ახალი ამბები

თელავში, რუსთაველის გამზირზე ქვაფენილიანი მონაკვეთის საგზაო-სარემონტო სამუშაოებზე 286 611 ლარი დაიხარჯება.

თელავში, ახალგაზრდული ფესტივალი „თანატოლები თანასწორობისთვის“ გაიმართა. ღონისძიების მიზანია ახალგაზრდების ჯანმრთელობისა და განვითარების ხელშეწყობა, გენდერული თანასწორობის დამკვიდრება მათი განათლების გზით. 

თელავის მუნიციპალიტეტში, სტორის ხეობაში ე.წ. სვიანაზე, რეკრაციული ზონების მოსაწყობად სამუშაოები დაიწყო.
აღნიშნული სამუშაოები კავკასიის გარემოსდაცვითი არასამთავრობო ორგანიზაციათა ქსელის (CENN)-ის პროექტის ,,ტყეების მდგრადი მართვა საქართველოში” ფარგლებში მიმდინარეობს.

ლაგოდეხის მუნიციპალიტეტში ირაკლი ალასანიას პარტიას, “თავისუფალ დემოკრატებს” ჯონი თურქაძე უხელმძღვანელებს.
თურქაძე ამჟამად ლაგოდეხის მუნიციპალიტეტის ახალგაზრდობის საქმეთა და სპორტის განვითარების ცენტრის დირექტორის თანაშემწეა.

თელავში, მიმდინარე ხევის სარეაბილიტაციო სამუშაოების გამო, დღეს, 19 მაისს, 08:00-დან 20:00 საათამდე, თელავს გაზმომარაგება შეეზღუდება.

სიღნაღში, ისტორიულ-ეთნოგრაფიული მუზეუმში, მხატვარ-რესტავრატორის, ზინაიდა ქუფარაშვილის პერსონალური გამოფენა გაიხსნა. გამოფენა მისი ხსოვნის საპატივსაცემოდ გაიმართა.

სოფლის კუთვნილი საძოვრების დაბრუნების მოთხოვნით, ყვარლის მუნიციპალიტეტის სოფელ ჭიკაანში აქცია გაიმართა. ადგილობრივები გამგეობის შენობასთან შეიკრიბნენ და სოფლის კუთვნილი 30 ჰექტარამდე გასხვისებული საძოვრების გასხვისება გააპროტესტეს.

მძღოლები, რომლებიც სასწრაფო სამედიცონო დახმარებას გზას არ დაუთმობენ 30 ლარით დაჯარიმდებიან. შესაბამისი კანონი უკვე მოქმედებს. სასწრაფო -სამედიცინო ცენტრებში ამბობენ, რომ თუ მსგავსი შემთხვევები მომავალში დაფიქსირდება სასწრაფო დახმარება ვიდეოჩანაწერს, რომელსაც მათ მანქანებში დაყენებული კამერებით იღებენ, საპატრულო პოლიციას მიაწვდის, ისინი კი შესაბამისად იმოქმედებენ. 

საქართველოს მუნიციპალური განვითარების ფონდი მსოფლიო ბანკის დაფინანსებით ქალაქ გურჯაანსა და სოფელ მირზაანში ოთხი ქუჩის რეაბილიტაციას ახორციელებს. პროექტის ფარგლებში მიმდინარეობს გურჯაანის მუნიციპალიტეტში- ბესიკის, ბარათაშვილის და ჭავჭავაძის ქუჩების რეაბილიტაცია, ამავდროულად სოფელ მირზაანში სრულდება შიდა ქუჩის სარეაბილიტაციო სამუშაოები. 

დედოფლისწყაროში არსებული მუნიციპალური ნაგავსაყრელის კეთილმოწყობა დასრულდა. ჩატარებული სამუშაოები, რეგიონული განვითარებისა და ინფრასტრუქტურის სამინისტროს „მყარი ნარჩენების მართვის კომპანიის დირექტორმა“, გიორგი შუხოშვილმა, კახეთის რეგიონის გუბერნატორტან ირაკლი შიოლაშვილთან და ადგილობრივი თვითმმართველობის წარმომადგენლებთან ერთად დაათვალიერა.