ახალი ამბები

შინაგან საქმეთა სამინისტროს ინფორმაციით, ე.წ. ჭკვიანი კამერების მონტაჟი ივლისის ბოლოდან დაიწყება და სისტემა ეტაპობრივად ამოქმედდება.

2018 წელს საქართველოს მოსახლეობა პრეზიდენტს პირდაპირი წესით აირჩევს. პრეზიდენტს უფლებამოსილების ვადა ერთი წლით გაუხანგრძლივდება და ის თანამდებობას ექვის წლით დაიკავებს. 

საჯარო რეესტრის ეროვნული სააგენტო, მიწის რეგისტრაციის სახელმწიფო რეფორმის ფარგლებში, სისტემური რეგისტრაციის საპილოტო პროექტის განხორციელებას იწყებს. 

მუსლიმურმა სამყარომ რამაზან ბაირამის დღესასწაული აღნიშნა. წელს მარხვა 18 ივნისს დაიწყო და რამაზან ბაირამის დღესასწაულით დასრულდა. 

კახეთის რეგიონში მზის ელექტროსადგური მოეწყობა. როგორც ,,knews.ge-სთან “ენერგეტიკის განვითარების ფონდში აცხადებენ, ელექტროსადგურის მოწყობაზე საერთაშორისო ტენდერი სექტემბერში გამოცხადდება.

პოლონეთის ქალაქ კრაკოვში გამართულ ღვინის საერთაშორისო კონკურსში „GALICJA VITIS 2017“, ქართული ღვინის მწარმოებელი კომპანია „მეღვინეობა შილდას” ღვინოებმა „ქისი 2015“ (თეთრი მშრალი) და „მუკუზანი 2015“ (წითელი მშრალი) ოქროს მედლები მიიღო. 

თუშეთში, დიკლო–შენაქოს დამაკავშირებელი დაზიანებული ხიდის გამო მოძრაობის სპეციალური რეჟიმია დაწესებული.

პარლამენტში ინიცირებულია კანონპროექტი, რომლის თანახმადაც, ვეტერინარული აფთიაქებიდან ანტიბიოტიკები მხოლოდ რეცეპტით გაიცემა.

ევროკავშირმა საქართველო დაამატა იმ მესამე ქვეყნების ჩამონათვალს, საიდანაც შესაძლებელია ევროპის ბაზარზე შავი ზღვის თევზისა და თევზის პროდუქტების შეტანა , – განაცხადა სოფლის მეურნეობის მინისტრმა, ლევან დავითაშვილმა.

2020 წლის საპარლამენტო შერეული საარჩევნო სისტემით ჩატარდება. არჩევნების კვლავ არსებული – შერეული საარჩევნო სისტემით ჩატარების საკითხი საკონსტიტუციო ცვლილებების გარდამავალ დებულებებში აისახა.