ახალი ამბები

გურჯაანის მუნიციპალიტეტის სოფელ ბაკურციხეში მომხდარი ქურდობა გახსნილია. შსს-ს ინფორმაციით, კახეთის სამხარეო მთავარი სამმართველოს გურჯაანის რაიონული სამმართველოს თანამშრომლებმა, ჩატარებული ოპერატიული და საგამოძიებო ღონისძიებების შედეგად, 1992 წელს დაბადებული ილია ტ. ქურდობის ბრალდებით ცხელ კვალზე, მომხდარი დანაშაულიდან რამდენიმე საათში, გურჯაანის რაიონის სოფელ ბაკურციხეში დააკავეს.

მართლმადიდებელი სამყარო დღეს ამაღლების დღესასწაულს ზეიმობს. მართლმადიდებელი ეკლესია მაცხოვრის ამაღლების დღესასწაულს აღდგომიდან მე-40 დღეს, მეექვსე კვირის ხუთშაბათს ზეიმობს. 

ყარაჯალას მოსახლეობის ინფორმაციით სირიაში წასვლას კიდევ ხუთი ქალი აპირებს. ადგილობრივები აცხადებენ, რომ 6 წელია, რაც სოფელში ვაჰაბიტები გააქტიურდნენ, რის გამოც უკვე ბავშვებიც აღარ მალავენ, რომ სირიაში გადასვლის სურვილი აქვთ. სოფელ ყარაჯალას მოსახლეობა ხელისუფლებისგან დახმარებას ითხოვს. 

კახეთში, სამ მცირეწლოვან ბავშვზე ძალადობის ბრალდებით დაკავებულ მამაკაცს წინასწარი აღკვეთის სახით პატიმრობა შეეფარდა. გადაწყვეტილება დღეს გურჯაანის სასამართლომ მიიღო. 

გურჯაანის მუნიციპალიტეტის სოფელ ბაკურციხეში “ლიბერთი ბანკის” ფილიალი გაქურდეს. ფილიალი ტერიტორიული ორგანოს შენობაშია განთავსებული. 

“დემოკრატიული მოძრაობის” კახეთის რეგიონული ორგანიზაციის ხელმძღვანელი, ვალერი შოშიაშვილი, თელავის თვითმმართველი თემის ბიუჯეტის არამიზნობრივ ხარჯვას აპროტესტებს. 

ახმეტის მუნიციპალიტეტის გამგებლის მოადგილის ვანო ნასყიდაშვილის მეუღლეს, ხათუნა თურმანაულს ახმეტის რაიონში სასოფლო–სამეურნეო დანიშნულების მიწის 20 ნაკვეთი საკუთრების უფლების დამადასტურებელი დოკუმენტების გარეშე აქვს რეგისტრირებული, – ინფორმაციას, ,,საერთაშორისო გამჭვირვალობა საქართველო“ აქვეყნებს.

საქართველოს განათლებისა და მეცნიერების მინისტრი თამარ სანიკიძე პანკისის ხეობის სკოლებს ეწვია. სამინისტროს პრესსამსახურის ინფორმაციით, შეხვედრაზე მოსწავლეებს, მათ მშობლებს და პედაგოგებს ხეობის სკოლებში დაგეგმილი ინფრასტრუქტურული და ახალი სასკოლო პროექტები გააცნეს.

გურჯაანში, რუსთაველის ქ. № 15 – ში საქველმოქმედო აქცია „გაიღე სისხლი აჩუქე სიცოცხლე“ მიმდინარეობს.  „გაიღე სისხლი აჩუქე სიცოცხლე“ – ს.ს. „ჰემატოლოგიისა და ტრანსფუზიოლოგიის ინსტიტუტის” ორგანიზებით ტარდება. 

თელავის მერიაში კონკურსანტებთან გასაუბრების ეტაპი 27- 28 მაისს გაიმართება. როგორც უწყებაში აცხადებენ, აღნიშნული ინფორმაცია ყველა კანდიდატს, რომლებმაც მინიმალური ზღვარი გადალახეს ელექტრონული ფოსტით მიეწოდებათ.