ახალი ამბები

კახეთის გზაზე, გომბორის გადასახვევთან ავტოსაგზაო შემთხვევა მოხდა. ერთმანეთს სამგზავრო მიკროავტობუსი და საპატრულო პოლიციის მანქანა შეეჯახა. 

წლის ყველაზე წარმატებული ქალბატონი  თელავის აქტიურმა ქალებმა 8 მარტს, „ევროკავშირის ფილმების ფესტივალის“ დახურვის საზეიმო ცერემონიალზე გამოავლინეს. საზეიმო მიღება თელავის „მედია კაფეში“ თელავის „გენდერის მედია ცენტრის“ მხარდაჭერით მოეწყო და მიზნად ისახავდა  აქტიურ ქალთა  მხარდაჭერას.

პანკისის ხეობაში მცხოვრები ქალები შეუერთდნენ ქალთა მოძრაობის აქციას, რომლის მიზანია ქალთა პოლიტიკური მონაწილეობის გაძლიერება. 

არასამთავრობო ორგანიზაცია ,,თელავი ჩემი ქალაქიას” ინიციატივით, ნიკო სულხანიშვილის სამუსიკო სასწავლებელში პოეზიის საღამო ,,თელავური მუზა” გაიმართა, რომელშიც ცნობილი ადგილობრივი და დამწყები პოეტები იღებდნენ მონაწილეობას. 

პანკისის ხეობაში მცხოვრები ქალები ქალთა მოძრაობის მანიფესტს უერთდებიან. აქცია 8 მარტს საქართველოს 24 ქალაქში ერთდროულად გაიმართება და ქალთა მხარდაჭერას ისახავს მიზნად. 

ახმეტის მუნიციპალიტეტში პროექტის “რეგიონული და ადგილობრივი პროდუქტების სტიმულირება საზოგადოების განვითარებისთვის; რეგისტრაცია, რეკლამა, პარტნიორობა: ვიშეგრადი 4 აღმოსავლეთ პარტნიორობისთვის” დასკვნითი ეტაპი შეჯამდა. 

მსხვილფეხა პირუტყვში ბრუცელოზის შემთხვევები იზრდება. Knews.ge ცნობილი გახდა, რომ რეგიონში ცხოველთა მასობრივი შემოწმების შედეგები საგანგაშოა.

 ბრუცელოზზე  გამოკვლევის შემდეგ კახეთის რეგიონში 500 ზე მეტ ცხოველს დაუდგინდა დაავადება, რაც იმას ნიშნავს, რომ  შემოწმებისას  მიღებული შედეგი დაავადების გავრცელების საყურადღებო ნიშნულზეა. 

თელავის მუნიციპალიტეტში არსებული 19 ბაღის გაზიფიცირების პროცესი ჯერ არ დასრულებულა. როგორც ბაღების გაერთიანების ხელმძღვანელი, გიორგი კოჭლოშვილი აცხადებს, ამ დროისთვის ბუნებრივი აირი 5 სოფლის ბაგა-ბაღს აქვს.

საგარეჯოს მუნიციპალიტეტის სოფლების მოსახლეობა, შპს ,,ელიკას” ჩაბარებული ყურძნის საფასურის ანაზღაურებას სთხოვს. მათი განცხადებით, კომპანიის დირექტორი ელიზბარ დათუაშვილი, რომელსაც გურჯაანში მუკუზანის ღვინის ქარხანა ჰქონდა დაქირავებული, საქართველოში არ იმყოფება.

შსს-ს კახეთის სამხარეო მთავარი სამმართველოს, საპატრულო პოლიციის დეპარტამენტის კახეთის მთავარი სამმართველოს, დაცვის პოლიციის დეპარტამენტის კახეთის რეგიონალური დაცვის პოლიციის სამმართველოს და შსს-ს სახელმწიფო უსაფრთხოების სააგენტოს კახეთის რეგიონალური მთავარი სამმართველოს თანამშრომლება, აქციის – „გაიღე სისხლი გადაარჩინე სიცოცხლე“ – ფარგლებში, ლეიკემიით დაავადებული ბავშვებისთვის სისხლი გაიღეს.