ახალი ამბები

კახეთის რეგიონის ერთ-ერთ მუნიციპალიტეტში მცხოვრები 12 წლის ორსული გოგონა მეუღლემ მიატოვა. არასრულწლოვანი გოგონა 6 თვის ორსულია. დაზარალებული გოგონას დედის მტკიცებით, მისი 12 წლის გოგონა თანასოფლელზე საკუთარი ნებით გათხოვდა. 

მერვე კლასელ ბიჭს თხუთმეტიდან ოც წლამდე პატიმრობა ემუქრება. იგი, 12 წლის მოსწავლე გოგონას გაუპატიურებაში იყო ეჭვმიტანილი. პროკურატურამ ბრალი უკვე წაუყენა.

თელავში სახალხო დამცველის რეგიონული წარმომადგენლის ოფისის მუშაობა დროებით შეჩერებულია. უჩა ნანუაშვილის უწყებაში აცხადებენ, რომ ამის მიზეზი სახალხო დამცველის კახეთის რეგიონის წარმომადგენელის, თემურ ორკოდაშვილის ხელშეკრულების ვადის გასვლაა, რომელიც მას იანვრის თვეში ამოეწურა.

,,საქართველოს ახალგაზრდა იურისტთა ასოციაცია“, თელავში, ადგილობრივი თვითმმართველობის საკითხებზე გამოკითხვას ატარებს. მათ, დემოკრატიული ჩართულობის ცენტრში, აღნიშნულ საკითხებზე საინფორმაციო შეხვედრა გამართეს.

გურჯაანის მუნიციპალიტეტში, წელს, რეგიონებში განსახორციელებელი პროექტების ფონდიდან, 17 ინფრასტრუქტურული პროექტი დაფინანსდება. აღნიშნულ პროექტებზე ტენდერი გამოცხადებულია საპროექტო დოკუმენტაციისა და საექსპერტო მომსახურების მომზადებისთვის.

ჟურნალისტი ზვიად რუაძე “დემოკრატიული მოძრაობა – ერთიანი საქართველოს” კახეთის რეგიონული ორგანიზაციის პრესსამსახურის ხელმძღვანელად დაინიშნა. მას, ჟურნალისტიკაში 15 წლიანი მუშაობის გამოცდილება აქვს.

მსოფლიო ბანკი კახეთში ინფრასტრუქტურული პროექტების მხარდაჭერას განაგრძობს. ინფორმაცია რეგიონული განვითარებისა და ინფრასტრუქტურის მინისტრისა და მსოფლიო ბანკის მდგრადი განვითარების პროგრამის ხელმძღვანელის შეხვედრის შემდეგ გავრცელდა.

სს ,,კახეთის ენერგოდისტრიბუციის” ინფორმაციით, მიერ დაგეგმილ სარემონტო სამუშაოებთან დაკავშირებით დღეს, დილის 10:00 სთ-დან 14:00 სთ-მდე ელექტროენერგიის მიწოდება შეუწყდება თელავში ალაზნისა და აღმაშენებლის გამზირებს.

კომპანია „თელავის ღვინის მარანს“ კუბასა და პანამის რესპუბლიკებში რამდენიმე სახეობის ღვინო გააქვს. კომპანიის სამეთვალყურეო საბჭოს თავმჯდომარის, ზურაბ რამაზაშვილის თქმით, დღესდღეისობით მარანი აწარმოებს 70-ზე მეტი დასახელების ღვინოს და ძლიერ ალკოჰოლურ სასმელს: ბრენდი და ჭაჭა. 

ტოკიოში, ღვინის საერთაშორისო კონკურსში სახელწოდებით „საკურა“ ქართულმა ღვინოებმა ოქროს და ვერცხლის მედლები მოიპოვეს.
კომპანია „ლუკასის“ ღვინო „ჩხავერს“ გადაეცა ორმაგი ოქროს მედალი.