ახალი ამბები

საქართველოს მთავრობა სოფლის მეურნეობის სამინისტროსთან ერთად სასოფლო-სამეურნეო მიწების ათვისებისთვის ახალ პროექტს იწყებს. პრემიერ-მინისტრის ირაკლი ღარიბაშვილის განცხადებით, აღნიშნული პროექტი სოფლის მეურნეობის დარგის განვითარებას შეუწყობს ხელს. 

გურჯაანში, საჯარო ბიბლიოთეკაში, ინტელექტუალური თამაში – რა? სად? როდის? საგაზაფხულო სეზონის პირველი ტური გაიმართა. 
შეჯიბრში გურჯაანის მუნიციპალიტეტის საჯარო სკოლების გუნდები მონაწილეობენ. 

21-23 თებერვალს იტალიაში, მილანში LIVE WINE 2015 ნატურალური ღვინის საერთაშორისო ფესტივალი გაიმართება, რომელშიც ქართული ქვევრის ღვინოც მიიღებს მონაწილეობას. მათ კომპანიები ,,იაგოს ღვინო”, ,,ჩვენი ღვინო” და ,,იბერიელი” წარადგენენ.

ფარმაცევტული კომპანიების ასოციაციის ინფორმაციით, მედიკამენტებზე ფასები საგანგაშოდ არ არის გაზრდილი და პანიკა, რომელიც მოსახლეობაშია უსაფუძვლოა. 

„ევროპის საბჭო ყველა წევრ ქვეყანაში წინასწარ პატიმრობაში მყოფთა მდგომარეობას სწავლობს, ვცდილობთ დავადგინოთ, ირღვევა თუ არა ადამიანის უფლებები,” – განაცხადა ევროპის სახალხო პარტიის წარმომადგენელმა  სასჯელაღსრულების დაწესებულების დატოვების შემდეგ.

გარემოს ეროვნული სააგენტოს მონიტორინგისა და პროგნოზირების ცენტრის პროგნოზის მიხედვით, აღმოსავლეთ საქართველოში 21–22 თებერვალს მოსალოდნელია ნალექი, უმეტესად თოვლის სახით

ერთი დოლარის ოფიციალური ღირებულება 2.17 ლარია. ლარი აშშ დოლართან მიმართებაში კიდევ გაუფასურდა. საქართველოს ეროვნულმა ბანკმა ლარის ახალი ოფიციალური გაცვლითი კურსი დაადგინა. 

გურჯაანის მუნიციპალიტეტის, სოფელ ჩუმლაყში მცხოვრები 46 წლის გოჩა ოსიაშვილის მკვლელობაში ბრალდებული პოლიციელი, შსს სამინისტროს თანამშრომელი, გოჩა გრიგოლაშვილი, პროკურატურამ დააკავა.

ხელისუფლება მცირე და საშუალო ბიზნესის განვითარების სტრატეგიაზე მუშაობს.  შესაბამისი ვალდებულება საქართველომ ევროკავშირთან ასოცირების ხელშეკრულებისა და ღრმა და ყოვლისმომცველი სავაჭრო სივრცის შესახებ ხელშეკრულების ფარგლებში აიღო. 

მცირემიწიან ფერმერთა ხელშეწყობის პროგრამას მრავალწლიანი ნერგების გაშენების პროექტი „დანერგე მომავალი“ ჩაანაცვლებს. სოფლის მეურნეობის სამინისტრო პროექტის პრეზენტაციას გეგმავს.