ახალი ამბები

“ნიუ-იორკ თაიმსი“ სტატიით “52 ადგილი, რომელიც 2015 წელს უნდა მოინახულოთ” მკითხველს კახეთის ღვინის ტურების მონახულებას ურჩევს. სტატიაში აღნიშნულია, რომ საქართველოს ღვინის წარმოების მრავალწლიანი უწყვეტი ტრადიცია აქვს, ვაზის ჯიშებისა და ღვინის დაყენების მრავალფეროვნებით. 

თელავის მუნიციპალიტეტის 22 სოფელში გარეგანათების მოსაწესრიგებლად 2015 წლის ბიუჯეტიდან 190 ათასი ლარი დაიხარჯება. 

სოციალურ ქსელში გავრცელებული ინფორმაცია, თელავის გამგეობასა და კახეთის გუბერნიაში განხორციელებულ საკადრო ცვლილებებთან დაკავშირებით, არ დასტურდება.

თელავის მუნიციპალიტტის სოფელ იყალთოში, ,,ქვევრის სახლი” აშენდება. მუნიციპალიტეტის გამგეობაში აღნიშნულ საკითხზე აცხადებენ, რომ მშენებლობა უახლოეს ხანში დაიწყება და 18 თვეში დამთავრდება.

რეგიონული განვითარებისა და ინფრასტრუქტურის მინისტრის მოადგილის, ნოდარ ჯავახიშვილის ინიციატივით, ტენდერების ჩატარების ინსტრუქციები იცვლება.

გადაუდებელი აუცილებლობის დროს სამართალდამცველებს ჩხრეკის ჩატარება ორდერის გარეშე შეეძლებათ. აღნიშნული ცვლილება სისხლის სამართლის საპროცესო კოდექსში შედის, რომლის თანახმადაც, გადაუდებელი აუცილებლობის შემთხვევაში ჩასატარებელ ჩხრეკა-ამოღებისას გამომძიებლის მიერ შესაბამისი დადგენილების გამოტანა საჭირო აღარ გახდება. 

ევროკავშირის ქვეყნებში თხილი და კაკალი 128% ით, სპირტიანი სასმელები 150%-ით, ნატურალური ღვინოები 18 % -ით, მინერალური წყალი 16%-ით, ხილ-ბოსტნეული და კონსერვების გაყიდვები 43%-ით გაიზარდა. ქართული პროდუქციის გაყიდვები პოლონეთში, ბალტიის ქვეყნებში, ჩეხეთში, გერმანიას, სლოვაკეთსა და  საფრანგეთში ზრდის ტენდენციით ხასიათდება. 

თვითმმართველ ქალაქ თელავის მერიაში 227 კანდიდატიდან ტესტირების ეტაპი 147-მა კანდიდატმა გადალახა. მერიის იურიდიული კონსულტანტის, მედეა ჩაფურიშვილის თქმით, ტესტირების ეტაპზე 337 კანდიდატი გადავიდა, თუმცა 227 გამოცხადდა.

თელავის მუნიციპალიტეტში ტესტირების ეტაპი 390 კონკურსანტიდან 197-მა გადალახა. გამგეობის ადმინისტრაციული სამსახურის უფროსის, ნინო აფციაურის თქმით, იმ კონკურსანტებს, რომლებმაც ტესტირების ეტაპი წარმატებით გადალახეს, გასაუბრება უტარდებათ.

ლაგოდეხის მუნიციპალიტეტში დიდი რაოდენობით მოსული თოვლის გამო 3 000 -მდე აბონენტი ელექტროენერგიის გარეშეა დარჩენილი.