ახალი ამბები

ლაგოდეხის მუნიციპალიტეტში დიდი რაოდენობით მოსული თოვლის გამო 3 000 -მდე აბონენტი ელექტროენერგიის გარეშეა დარჩენილი. 

კახეთში ჰაერის ტემპერატურა -8 გრადუსამდე დაეცემა. მაღალმთიან რაიონებში -25 გრადუსამდე ყინვაა მოსალოდნელი. სინოპტიკოსების ინფორმაციით, არამდგრადი ამინდი ქვეყნის ტერიტორიაზე 14 იანვრის ჩათვლით გაგრძელდება.

მერიის საზოგადოებასთან ურთიერთობის სამსახურის უფროსის, თეკლა იანვარაშვილის თქმით, უწყების თანამშრომლები პრემიებს 2015 წელსაც 3-ჯერ მიიღებენ.
,,მერიის სამხედრო სამსახურის საკრებულოს შტატიან და უშტატო თანამშრომლებზე გაიცა 100%-იანი წინასაახალწლო პრემია, გაცემულმა თანხამ კი 80 000 ლარამდე შეადგინა. გარდა ამისა, 2015 წელსაც იგეგმება პრემიის გაცემა 3-ჯერ. ხაზგასმით მინდა ავღნიშნო, რომ 2015 წელს პრემია გაიცემა მხოლოდ თანამშრომლების მუშაობის პროპორციულად’’,- განუცხადა knews.ge-ს თეკლა იანვარაშვილმა.

,,საქართველოში მსხვილფეხა ცხოველის რეგისტრაცია-იდენტიფიკაციის ახალი წესი შემუშავდება”- ამის შესახებ ჟურნალისტებთან სოფლის მეურნეობის მინისტრის პირველმა მოადგილემ, ნოდარ კერესელიძემ განაცხადა. 

ზურაბ ჟვანიას სახელობის წინანდლის პრემიის გამარჯვებულები დღეს გამოვლინდებიან. ღონისძიების ორგანიზატორების განმარტებით, განუცხადეს, დაჯილდოების პარალელურად “რიყე ბასიანში” გაიმართება კონცერტი, რომელშიც ნომინანტები თავად მონაწილეობენ. 

ღვინის ეროვნული სააგენტოს ინფორმაციით, დღეს საქართველოში ყურძნის ხარისხის პრობლემაა. სააგენტოს ხელმძღვანელის, გიორგი სამანიშვილის განმარტებით, მათ, ვისაც ვენახები გამასივებული არ აქვს, მაღალი ხარისხის ყურძენი ვერ მოჰყავს.

ბრიტანულმა “ტელეგრაფმა” საქართველო მსოფლიოს ათ ექსტრემალურ მიმართულებებს შორის დაასახელა. ტურიზმის ეროვნულ ადმინისტრაციაში აცხადებენ, რომ “ტელეგრაფის” სტატიის ავტორი კახეთის ღვინის მეურნეობას აღწერს.

პარლამენტი საპენსიო რეფორმაზე მუშაობას გეგმავს. საპარლამენტო უმრავლესობის წევრი ზაქარია ქუცნაშვილი, ამბობს, რომ საპენსიო რეფორმა ჩასატარებელია და 2014 წელს ამ მიმართულებით ვერ მოხერხდა ცვლილებები.

ჰაერის ტემპერატურა -2დან -8 გრადუსამდე დაეცემა. არამდგრადი ამინდი ქვეყნის ტერიტორიაზე 14 იანვრის ჩათვლით გაგრძელდება. დღეს აღმოსავლეთ საქართველოში  ძლიერი ქარი დღის ბოლომდე შენარჩუნდება. 

სასწაულებრივი აღმოჩენა – დავით გარეჯის დოდო რქის მონასტრის მთავარი ტაძრის აღმოსავლეთით, კლდეში, წმინდანთა გამოსახულებებით მოხატული, დღემდე უცნობი დარბაზული ტიპის სამლოცველო გამოვლინდა.