ახალი ამბები

პრემიერ-მინისტრი ხელისუფლების მიერ გატარებულ რეფორმებს შორის ყველაზე წარმატებულად და ეფექტურად ჯანდაცვის რეფორმას ასახელებს. ირაკლი ღარიბაშვილმა ამის შესახებ შემაჯამებელ პრესკონფერენციაზე ისაუბრა. მისი თქმით, ჯანდაცვის სფეროში მთავრობამ უდიდესი ძალისხმევა ჩადო და ამის შედეგი მიიღო კიდეც.

დეპუტატებმა “საგადასახადო კოდექსში” შესატან ცვლილებებს, რომელიც დაუბეგრავი მინიმუმის გაუქმებას უკავშირდებოდა, მხარი არ დაუჭირეს. უმცირესობის დეპუტატის გიორგი ვაშაძის განცხადებით, “ქართულ ოცნებას” კიდევ ერთხელ არ მიეცა იმის შესაძლებლობა, რომ საკუთარი მოქალაქეები მოეტყუებინა.

ისრაფილი ცათიაშვილების ოჯახის მეორე წევრია, რომელიც სირიაში გარდაიცვალა. ერთი თვის წინ სირიაში მისი ძმა, 21 წლის ზელიმხან ცათიაშვილი დაიღუპა.

დღეს, თელავის მუნიციპალიტეტის საკრებულომ 2015 წლის ბიუჯეტი დაამტკიცა. დოკუმენტს 23-მა დეპუტატმა დაუჭირა მხარი.
თელავის მუნიციპალიტეტის საკრებულოს თავმჯდომარის, პაატა გიორგობიანის თქმით, წლის მთავარი საფინანსო დოკუმენტი 6 მილიონ 503 ათასი ლარით განისაზღვრა.

თელავის მუნიციპალიტეტის გამგეობის საფინანსო-საბიუჯეტო სამსახურის უფროსის, მიხეილ შაშიაშვილის თქმით, პრემია თანამშრომლებს მეცამეტე ხელფასის სახით გადაეცემათ.

აქცია ,,ჰერეთმა” მას შემდეგ დაგეგმა რაც ეთერში უამრავი გაჭირვებული ადამიანის ისტორია დაგროვდა. რადიოს თანამშრომლებმა, აქციის ფარგლებში, შეგროვებული ტანსაცმელი, ფეხსაცმელი და სათამაშოები 20-მდე გაჭირვებულ ოჯახს, ჯამში 100-მდე ადამიანს გადასცეს. აღნიშნული ოჯახების უმეტესობა მრავალშვილიანია. 

პროექტის “გაიგე მეტი, შეცვალე დამოკიდებულება” მთავარი მიზანია ახალგაზრდებს ინფორმაცია მიეწოდოთ აღნიშნული თემების შესახებ, რადგან პრობლემას ხშირად სწორედ ინფორმაციის ნაკლებობა იწვევს.

შეხვედრაზე განხილული იყო საკითხები, რომელიც სქესობრივი და რეპროდუქციულ ჯანმრთელობას ეხება. შეხვედრის დასასრულს მონაწილეებს საინფორმაციო ბროშურები გადაეცათ.

პროექტის ფარგლებში ითარგმნა და დამზადდა წებოვანი, ილუსტრირებული  სტიკერები, რომლებიც ახალგაზრდებმა სკოლასა და უბნებში გააკრეს. საჯარო დისკუსიაში მონაწილეობა ეთნიკურად აზერბაიჯანელმა ახალგაზრდებმა მიიღეს.

დედოფლისწყაროს მუნიციპალიტეტის საკრებულომ დეპუტატების ხმათა უმრავლესობით 2015 წლის ბიუჯეტი დაამტკიცა. 
როგორც გამგეობაში აცხადებენ, ბიუჯეტის საშემოსავლო ნაწილი 4459,6 ათას ლარს შეადგენს,ხოლო ხარჯვითი ნაწილი 5365,7 ათას ლარს.