ახალი ამბები

რეგიონებში LED გარე განათება დამონტაჟდება, რომელიც ქალაქის გარე განათების შუქდიოდების სისტემაზე გადაყვანას გულისხმობს. ახალი სანათების მთავარი უპირატესობა ენერგოეფექტურობაა, რაც გარე განათებებში დახარჯულ ელექტროენერგიას 60%-ით შეამცირებს. დიოდების ექსპლუატაციის ვადა 10 წლამდე განისაზღვრება.

ერთი დოლარის ოფიციალური ფასი 2.17 ლარი ღირს. ეროვნული ვალუტა დოლართან მიმართებაში მცირედით გამყარდა. საქართველოს ეროვნულმა ბანკმა ლარის ოფიციალური გაცვლითი კურსი დაადგინა, რომლის მიხედვითაც, ხვალიდან, 17 მარტიდან 1 დოლარის შეძენა 2.1782 ლარად იქნება შესაძლებელი. 

„განვითარებული ქვეყნების მმართველობით სისტემებში ქალების წარმოდგენა 40%-მდეა. სავარაუდოდ, ეს რიცხვი ჩვენთვის უნდა იყოს მნიშვნელოვანი და ამ პროცენტული მაჩვენებლისკენ დინამიკურად მივისწრაფოდეთ. იმისათვის, რომ რეალურად მივიდეთ ამ დონემდე, უნდა შემოვიღოთ კვოტირების სისტემა”, – ამის შესახებ საქართველოს პრეზიდენტმა, გიორგი მარგველაშვილმა ქალთა პოლიტიკური მონაწილეობის საკითხთან დაკავშირებით გამართულ შეხვედრაზე განაცხადა.

„იბრძოლა ბიჭმა, ცოცხალი ხორცის და სისხლის გემო გაუგო“, – ამ სათაურით გავრცელდა სოციალურ ქსელ „ფეისბუქსზე“ ფოტო სურათები, რომლებშიც ასახულია თუ როგორ დააგლეჯინა თელავში მცხოვრებმა სპორტსმენმა, სამჭიდში საქართველოს ჩემპიონმა, არჩილ შაშურაშვილმა თავის ამერიკულ პიტბულს მაწანწალა ძაღლი.

ბრიტანეთის სამაუწყებლო კომპანია BBC ტელეკომპანია „გურჯაანის“ მიერ მომზადებული სიუჟეტით დაინტერესდა. მედია კომპანიის ყურადღება გურჯაანის მუნიციპალიტეტის საკრებულოს ლეიბორისტი დეპუტატის, ზურაბ სეფიაშვილის მიერ მოქალაქეების ტაქსით უფასოდ გადაადგილებამ მიიპყრო. 

საწვავის ფასი 5 თეთრით გაძვირდა. ნავთობიმპორტიორი კომპანიების წარმომადგენლები ამის მთავარ მიზეზად საერთშორისო ბაზარზე საწვავის ფასის ზრდას ასახელებენ და ამბობენ, რომ ბოლო ორი თვის განმავლობაში ღირებულება 150-170 დოლარით გაიზარდა. 

დედოფლისწყაროს მუნიციპალიტეტის სოფელ არხილოსკალოში საზოგადოებრივი ცენტრი აშენდება. არხილოსკალოს საზოგადოებრივ ცენტრში საბათლოს, ფიროსმანის, სამთაწყაროს, ქვემო ქედის, არხილოსკალოსა და ზემო ქედის მოსახლეობას საჯარო და ყველაზე რეინტინგული კერძო სექტორის სერვისებით სარგებლობის საშუალება ექნება. 

ხვალ დილის 9 სთ-დან 18 სთ-მდე თელავში, ფალიაშვილის ქუჩას ელექტროენერგიის მიწოდება დროებით შეუწყდება.

კახეთში 19 წლის მამაკაცს 11 წლის ბიჭისა და 17 წლის დეიდაშვილის გაუპატიურებას აბრალებენ. ინფორმაციას „იმედის კვირა“ ავრცელებს. 11 წლის ბიჭს დედა გარეთ გასვლის შესაძლებლობას არ აძლევს. არასრულწოვანი კი მხოლოდ მაშინ დადის სკოლაში, როდესაც მამა სახლშია. 

კახეთში, 17 და 18 მარტს, თოვლჭყაპია მოსალოდნელი. დღისით ჰაერის ტემპერატურა +5 +7 გრადუსამდე გათბება, ხოლო ღამით +1 გრადუსი დაფიქსირდება. დღეს ამინდს განაპირობებს ამიერკავკასიის ჩრდილო-დასავლეთიდან შემომავალი შედარებით თბილი და ცივი ჰაერის მასების ურთიერთქმედება.