სოფელ შილდის ტყეში ხანძარია
ხანძარია ყვარლის მუნიციპალიტეტში. ცეცხლი სოფელ შილდის მიმდებარე ტყეს უკიდია.
ადგილობრივების ინფორმაციით, ცეცხლი სამ, მიუდგომელ კერაზეა გაჩენილი, თუმცა, რა ფართობზეა ის გავრცელებული, ამ დროისათვის უცნობია.
სოფლიდან ცოტა ხნის წინ, საგანგებო სიტუაციების მართვის სამსახურს დაუკავშირდნენ. მეხანძრე- მაშველები ადგილზე მიემართებიან.
ბოლო წლების განმავლობაში, შილდის ტყეში ხანძარი რამდენჯერმე გაჩნდა და ათეულობით ჰექტარი ტყის მასივი განადგურდა.
ხანძრების გაჩენის მიზეზად, დაუდევრობა სახელდება.