უკრაინაში რუსეთის შეჭრის დღიდან 359 ბავშვი დაიღუპა

უკრაინის პროკურატურამ დაშავებული და დაღუპული ბავშვების შესახებ ინფორმაცია განაახლა.

მონაცემები საბოლოო არ არის, რადგან დაბომბვის ადგილების შემოწმება აქტიური საომარი მოქმედებების ზონებში და დროებით ოკუპირებულ ტერიტორიებზე ვერ ხერხდება.

ომის დაწყებიდან დღემდე 359 ბავშვი დაიღუპა, 700-ზე მეტი დაშავდა, მათ შორის:
დონეცკის ოლქში — 371;
ხარკოვის ოლქში — 195;
კიევის ოლქში — 116;
ჩერნიგოვის ოლქში — 68.
გაეროს განცხადებით, ომი დამანგრეველ გავლენას ახდენს უკრაინის 7,5 მილიონ ბავშვზე. ორგანიზაციის მონაცემებით, უკრაინელ ლტოლვილთა რიცხვი 9 მილიონს გადასცდა მათგან თითქმის ნახევარი ბავშვია.