2 ივლისს თელავში წიგნის ფესტივალი გაიმართება

2 ივლისს, თელავის სახელმწიფო დრამატული თეატრის მიმდებარე ტერიტორიაზე, ქართული თარო წიგნის ფესტივალს გამართავს.

თელავის მუნიციპალიტეტის მერიის ინფორმაციით, ფესტივალზე წარმოდგენილი იქნება წიგნების გამოფენა/გაყიდვა, გრანდიოზული ფასდაკლებები, გათამაშებები, ბავშვთა გასართობი პროგრამა, ანიმატორები და კვებითი პუნქტები.

ღონისძიება, რომელიც თელავის მუნიციპალიტეტის მერიის მხარდაჭერით იმართება სტარტს 12:00 საათზე აიღებს, მთელი დღის განმავლობაში პატარებს, მათთვის სპეციალურად შერჩეული საბავშვო გმირები გაართობენ. 17:00 -დან დაიწყება ბავშვთა გასართობი პროგრამა, რომელსაც საბავშვო გმირები და ანიმატორები გაუძღვებიან.
ფესტივალი დასრულდება საღამოს 20:00 – ზე.