სამართლიანი არჩევნები– კახეთში საარჩევნო უბნებზე პარტიის კოორდნატორები ამომრჩევლების აღრიცხვას ახდენენ

„სამართლიანი არჩევნებისა და დემოკრატიის საერთაშორისო საზოგადოების“ წარმომადგენლების ინფორმაციით, კახეთში საარჩევნო უბნებზე პარტიის კოორდნატორები ამომრჩევლების აღრიცხვას ახდენენ.

მსგავსი ფაქტები ორგანიზაციის დამკვირვებლებმა თელავის 10, ახმეტის 1 და ყვარლის 5 უბანზე დააფიქსირეს.

,,#17 თელავის საარჩევნო ოლქის #52, #14, #15, #48, #23, #8, #28, #11, #13 და #17 საარჩევნო უბნებზე, #18 ახმეტის საარჩევნო ოლქის #28 საარჩევნო უბანზე; #16 ყვარლის საარჩევნო ოლქის #01, #02, #03, #04 და #29 საარჩევნო უბნებზე; საარჩევნო უბნებზე პარტიის კოორდინატორები არიან მობილიზებულნი, რომლებიც ამომრჩევლებს აღრიცხავენ. ორგანიზაცია 2020 წლის საპარლამენტო არჩევნების მეორე ტურს 17 მაჟორიტარულ ოლქში 35 მობილური ჯგუფის საშუალებით აკვირდება.

საარჩევნო უბნებზე ამომრჩეველთა ძალიან დაბალი აქტივობაა, თუმცა ამ ფონზე საარჩევნო უბნების უმრავლესობაზე მმართველი პარტიის კოორდინატორების მობილიზება შეინიშნება, რომლებიც ძირითადად სამარშრუტო ტაქსებში, ავტომობილებში სხედან, ან საარჩევნო უბნების წინ არიან შეკრებილნი და ამომრჩევლებს აღრიცხავენ’’,– აცხადებენ ორგანიზაციაში.