როგორ განვასხვავოთ გრიპი, გაციება და კორონავირუსული ინფექცია
ვირუსების აფეთქების პერიოდში, შესაძლოა, ალერგიაც გამწვავდეს. გაცივების ვირუსის მახასიათებლები – ცემინება, თავის ტკივილი, მოთენთილობა, შესაძლოა, ალერგიაშიც აგვერიოს.
ალერგიისა და იმუნოლოგიის ცენტრის ხელმძღვანელის, მაია გოთუას განმარტებით, გრიპი იწყება უეცრად, კორონავირუსული ინფექცია კი, თანდათანობით. ამ დროს უკვე მცენარეთა ყვავილობის პერიოდიც ემთხვევა რასაც თვალების ქავილი, სურდო, ცემინება ახასიათებს.
,,ალერგიის მახასიათებლები გავს ჩვეულებრივ ვირუსულ ინფექციას რაც შესაძლოა, ახლდეს კორონავირუსულ ინფექციასაც. ალერგიის დროს, ადამიანების გარემოსთან კონტაქტის შემდეგ იწყება სიმპტომები, სურდო და ცემინება. ვირუსული ინფექცია კი, ადამიანს მთელი დღის მანძილზე აქვს.
კორონავირუსული ინფექციის მთავარი ნიშანი ცხელებაა, ამიტომ პირველ რიგში ხდება ტემპერატურის შემოწმება. ხშირი სიმპტომია ხველაც, რომელიც შეიძლება იყოს მშრალი, იშვიათად სველი. ცხელებაც და ხველაც შეიძლება ასევე იყოს გამოხატული გრიპის დროს, მაგრამ ამ დროს დასაწყისი არის უეცარი, რაც მას უფო ალერგიასთან აახლოვებს, მაგრამ კორონავირუსული ინფექციის დროს, კატარალური მოვლენები ურო იშვიათია”.
კორონავირუსის ტიპური სიმპტომები:
– სიცხე;
– მშრალი ხველა;
– სუნთქვის გართულება;
– კუნთების ტკივილი;
– დაღლილობა/სისუსტე;
იშვიათი სიმპტომები: ნახველი, თავის ტკივილი, სისხლიანი ნახველი, დიარეა.
ახალი კორონავირუსის არატიპური სიმპტომებია:
– სურდო;
– ყელის ტკივილი.
კორონავირუსის ინკუბაციის პერიოდი 2-დან 14 დღემდეა. რამდენ ხანს რჩება ვირუსი გადამდები დაავადების გამოვლენამდე, ჯერჯერობით, უცნობია. ასევე უცნობია, პირველი სიმპტომების გამოვლენიდან, რამდენ ხანსაა ვირუსი გადამდები.
ექიმების რჩევით, გრიპისა და კორონავირუსული ინფექციის პრევენციაა ექიმთან დროული ვიზიტი, რომ სწრაფად მოხდეს პრობლმების აღმოფხვრა. პრევენციაა ხელების ხშირი დაბანა, საზოგადოებრივი თავშეყრის ადგილებში მოხვედრისგან თავის არიდება, დაავადებულთან კონტაქტისგან თავის შეკავება, ჰიგიენის ნორმების დაცვა, საკუთარი ჭურჭლის ქონა. ალერგიის შემთხვევაში კი, დროული მიმართვა ალერგოლოგთან.