სოფელ კაჭრეთში ელექტროენერგიის ქსელის სარეაბილიტაციო სამუშაოები მიმდინარეობს

გურჯაანის მუნიციპალიტეტის სოფელ კაჭრეთში 0,4 კვ-იანი ქსელის ინფრასტრუქტურის სარეაბილიტაციო სამუშაოები მიმდინარეობს.

,,ენერგო-პრო ჯორჯიას” წარმომადგენლების თქმით, პროექტის ფარგლებში რეაბილიტაცია ჩაუტარდება 7 სატრანსფორმატორო ჯიხურს და გარეშე პირის შეღწევისაგან მაქსიმალურად იქნება დაცული.

,,სოფელ კაჭრეთში დაგეგმილია ასევე ავარიული ძველი ხის საყრდენების შეცვლა რკინა-ბეტონისა და ხის საყრდენებით. კომპანია ქსელში ახალ 550 საყრდენს დაამონტაჟებს, ასევე ამორტიზებული ღია სადენი 23 500 მეტრზე დახურული იზოლირებული კაბელით შეიცვლება.

კომპანია ელექტრო ქსელის რეაბილიტაციასთან ერთად, სოფელ კაჭრეთში მცხოვრებ 875 აბონენტს ინდივიდუალურ მრიცხველებს დაუმონტაჟებს. ქსელის ინფრასტრუქტურის რეაბილიტაციის შედეგად აღნიშნულ სოფელში მინიმალურად შემცირდება ავარიული სიტუაციები, უზრუნველყოფს ხარისხიანი ელექტროენერგიის მიწოდებას, ენერგომომარაგება გახდება უფრო უსაფრთხო და სტაბილური.

სოფელში ქსელის რეაბილიტაციის სამუშაოების დასრულება მიმდინარე წლის ბოლოს იგეგმება”,- აცხადებენ კომპანიაში.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *