ბულგარეთის საელჩო სიღნაღში გამოფენას გამართავს
როგორც knews.ge-ს “თიბისი ბანკში” განუცხადეს, გამოფენა მიზნად ისახავს ბულგარეთის კულტურის საქართველოში პოპულარიზაციას.
,,გამოფენაზე წარმოდეგნილი იქნება ფოტოები, რომლებიც ასახავს სხვადასხვა ეთნიკური ჯგუფის ეგზოტიკურ ცერემონიალებსა და განსხვავებული რელიგიების წარმომადგენლების თანაცხოვრებას. ღონისძიებაზე მისულ სტუმარს შესაძლებლობა ექნება გაეცნოს საქორწინო ადათ-წესებს, მარხვის დროს ჩატარებულ ცეცხლის რიტუალს, ნესტინიარულ ცეკვებსა და სხვა ბულგარულ ტრადიციებს”,- განაცხადეს „თიბისი ბანკში“.
ღონისძიება “თიბისი ბანკის” სიღნაღის ფილიალში ბულგარეთის ევროკავშირის საბჭოს თავმჯდომარეობის აღსანიშნავად ჩატარდება.