დღეს ხარების ბრწყინვალე დღესასწაული აღინიშნება

 ამასთან დაკავშირებით სრულიად საქართველოს კათოლიკოს პატრიარქი ილია II სადღესასაწულო წირვა სამების ლავრის ხარების სახელობის ტაძარში აღავლენს. აბბა ალავერდელმა მიტროპოლიტმა დავითმა კი სადღესასწაულო ღამისთევის ღმრთისმსახურება ალავერდის წმ. გიორგისა სახელობის ტაძარში აღავლინა. 
ხარება ერთ-ერთი უდიდესი საუფლო დღესასწაულია. ამ დღეს ყოვლადწმიდა ღვთისმშობელთან ერთად მთელ კაცობრიობას ეუწყა, რომ სახიერმა ღმერთმა ადამიანი ცოდვის სამუდამო ტყვეობისათვის ვერ გაიმეტა სიკვდილისა და ეშმაკის მონობისაგან იხსნა.

უფალმა იესო ქრისტეს შობამდე დიდი ხნით ადრე აღუთქვა კაცობრიობას, რომ მხსნელს, მესიას მოუვლენდა, რომელსაც შობდა ქალწული და უწოდებდა სახელად ემანუელს, რომელიც ითარგმანება როგორც „ჩვენთარ არს ღმერთი“.  

წმინდა სახარების მიხედვით, გალილეის ქალაქ ნაზარეთში ყოვლადწმინდა ღვთისმშობელს, რპმელიც დაწინდული იყო მართალ იოსდებზე, მთავარანგელოზი გაბრიელი გამოეცხადა და ახარა, რომ მისგან იშვებოდ ძე ღვთისა და კაცობრიობის მაცხოვარი. “გიხაროდენ, მიმადლებულო, უფალი შენთანაა. კურთხეულ ხარ შენ დედათა შორის“. დედა ღვთისა შეაძრწუნა მისმა სიტყვებმა და გაიფიქრა: „ვითარ-მე არს მოკითხვაჲ ესე?“ – რას უნდა ნიშნავდეს ეს მოკითხვაო? ანგელოზმა უთხრა: „ნუ გეშინინ, მარიამ, რამეთუ ჰპოვე მადლი წინაშე ღმრთისა. და აჰა, ესერა შენ მუცლად-იღო და ჰშვა ძე და უწოდი სახელი მისი იესუ“. ღმერთმა ყოვლადწმინდა ღვთისმშობელი მარიამი დედად ღვთისად მისი სიმდაბლისა და სიმშვიდის გამო გამოარჩია. 
წმინდა წერილის მიხედვით, რა იარაღითაც იღვაწა ეშმაკმა ჩვენი დაცემისათვის, იმავე იარაღით გვიხსნა ქრისტემ; თუ ევას საქციელმა ადამის მოდგმას ცრემლი მრავალგზის დაადინა, ქალწულმა მარიამმა უდიდესი სიხარული მოუტანა. ღვთისმშობლის ერთ-ერთი ეპითეტია „განმანათლებელი“, ნიშნად იმისა, რომ სიბნელეში მყოფ კაცობრიობას მის მიერ გამოუბრწყინდა მზე სიმართლისა და მორწმუნეთა გონება განანათლა. 
იმის გამო, რომ ხარების ბრწყინვალე დღესასწაული ვნების შვიდეულში დაემთხვა, ამიტომ მხსნილია მორწმუნეებისთვის მარხვა ხსნილია მხოლოდ ზეთით, ხიზილალითა და ზღვის ნაწარმით. 
დიდი მარხვა 1 მაისს, მაცხოვრის აღდგომის ბრწყინვალე დღესასწაულზე დასრულდება.