წინანდალში თელავის მუნიციპალიტეტის 2015 წლის ბიუჯეტის პროექტის საჯარო განხილვა გაიმართა
თელავის მუნიციპალიტეტის გამგეობის საფინანსო-საბიუჯეტო სამსახურის უფროსის, მიხეილ შაშიაშვილის თქმით, 2015 წლის ბიუჯეტის პროექტმა 6 მილიონ 443 ათასი ლარი შეადგინა.
შაშიაშვილის განმარტებით, მომავალი წლის ბიუჯეტი სახელმწიფო ტრანსფერების ხარჯზეა გაზრდილი, რომელიც ორჯერ აღემატება იმ თანხას, რაც თემს თელავის გაყოფის შედეგად შეხვდა.
,,2015 წლის ბიუჯეტის თავარი პრიორიტეტია თავდაცვა და უსაფრთხოება; ინფრასტრუქტურის მშენებლობა, რეაბილიტაცია და ექსპლოატაცია; განათლება, კულტურა, რელიგია, ახალგაზრდობის ხელშეწყობა და სპორტი; მოსახლეობის ჯანმრთელობის დაცვა და სოციალური უზრუნველყოფა.ბიუჯეტში ინფრასტრუქტურულ მიმართულებაზე 1 მილიონ 123 600 ლარია გამოყოფილი. ამ თანხაში შედის წყალი, კეთილმოწყობის სამუშაოები, მშენებლობა, შიდა გზებისა და გარე განათების სარეაბილიტაციო სამუშაოები და სხვა. რაც შეეხება სკოლამდელ განათლებას, ამ მიმართულებაზე 1 მილიონ 202 ათასი ლარია გამოყოფილი, ხოლო სოციალური პროგრამებისთვის 260 ათასი ლარი,”- განუცხადა Knews.ge-ს მიხეილ შაშიაშვილმა.