ახმეტის საბავშვო ბაღებში აღსაზრდელების მშობლების ნაწილი ხელშეკრულებების გაფორმებას აპროტესტებენ

ახმეტის მუნიციპალიტეტის საკრებულოს 2013 წლის 27 სე­ქტემბრის 39-ე დადგენილების დებულების თანახმად, სკოლამდე­ლი აღზრდის დაწესებულებების ერთიანი სასწავლო-აღმზრდე­ლობითი სისტემის მოქმედების წესებისა და სამუშაო რეჟიმის შესახებ კანონის ფარგლებში, ბაგა-ბაღებში აღსაზრდელების მშობლებთან ხელშეკრულებების გაფორმების პროცესი მიმდინა­რეობს, რომელსაც მშობლების ნაწილი აპროტესტებს. 
ბაღის აღსაზრდელების მშო­ბლების თქმით, ხელშეკრულების ფორმა, რომელიც მათ დაურიგ­დათ, არასრულია და ბუნდოვანი. ახმეტის ერთ-ერთი ბაღის აღ­საზრდელის მშობლის, (სახელს მისივე თხოვნით არ ვასახელებთ) თქმით, მას ბაღში ბავშვის მიყვანა რამდენიმე წუთით დააგვიანდა და ის აღმზრდელებმა არ დაიტოვეს. 
,,ბაღში 10 წუთის დაგვიანებით მივიყვანე ჩემი შვილი. ასე მითხრეს დროულად უნდა მოგეყვანა, ახლა აღარ მივიღებთო. 
გარდა ამისა, ასევე, ხელშეკრუ­ლებების დადებას გვაიძულებენ, ასეა წესიო, გვეუბნებიან. ჩვენთვის მაინც ეკითხათ, რა არის უკეთესი ჩვენთვის და ჩვენი შვილებისთ­ვის,’’ – განუცხადა ,,knews.ge-ს მშობელმა. 
აღსაზრდელების სხვა მშო­ბლების თქმით, მათ ხელშეკრუ­ლებების დადების პროცესი არ მოსწონთ და მასზე ხელის მოწერა ნებაყოფლობითი უნდა იყოს.
აღნიშნულ საკითხზე კომენტა­რისთვის ახმეტის მუნიციპალიტეტის გამგებელ ბექა ბაიდაურს დავუკავშირდით, თუმცა მან აღნიშნულ საკითხზე კომენტარი არ გააკეთა.