ჩოლოყაშვილების ისტორიული ციხე-სიმაგრე დანგრევის პირასაა

თელავის მუნიციპალიტეტის სოფელ ლალისყურში ოთხი საუკუნის წინ აგებული ჩო­ლოყაშვილების ციხე-სიმაგრე ინგრევა. კულტურული მემკ­ვიდრეობის ძეგლის სარემონ­ტო სამუშაოებისათვის 2014 წლის ბიუჯეტში თანხა არ არის გათვალისწინებული. ადგილობრივი მოსახლეობა კულტურული მემკვიდრეობის დაცვის სააგენტოსგან საკითხით დაინტერესებას მოითხოვს. სა­აგენტოში კი აცხადებენ, რომ, თანხის არქონის გამო, 2014 წელს ჩოლოყაშვილების ციხე-სიმაგრე­ში სარემონტო სამუშაოებს ვერ დაიწყებენ.
ისტორიის მეცნიერებათა დოქტორი ვალერიან ელანიძე კულტურული მემკვიდრეობის ძე­გლის აღდგენის აუცლებლობაზე საუბრობს. ელანიძე განმარტავს, რომ ციხე-სიმაგრეში აღდგენითი სამუშაოები მას შემდეგ უნდა დაიწყოს, რაც სპეციალისტებს ექნებათ ამ ძეგლის პირვანდელი სახის ამსახველი დოკუმენტები:
-„ეს უნიკალური ისტორიული ძეგლი დანგრევამდე არ უნდა მი­სულიყო. კულტურული მემკვი­დრეობის ასეთი ძეგლები უნდა აღ­ვადგინოთ, თუმცა ამ საქმეს დიდი სიფრთხილით უნდა მოვეკიდოთ. აუციელებელია, რომ სარემონტო სამუშაოების დროს შენარჩუნ­დეს სიძველე და ამ ისტორიულმა ციხე-სიმაგრემ პირვანდელი სახე დაიბრუნოს. ამას კი სჭირდება შესაბამისი მასალები“, – ამბობს ვალერიან ელანიძე.