ახალი ამბები

ვაჟა ფშაველას სახელობის თელავის დრამატულ თეატრში, ცეკვის ფესტივალი რთველი ქართული ცეკვისა დასრულდა, რომელშიც მონაწილეობას იღებდნენ საქართველოს სხვადასხვა მუნიციპალიტეტების ბავშვთა ქორეოგრაფიული ანსაბლები.

ძალოვანებისადმი დაუმორჩილებლობისთვის ჯარიმა 400-დან 2 000 ლარამდე იქნება. სამართალდამცავთა მოთხოვნისადმი დაუმორჩილებლობის ან მათ მიმართ სხვა კანონსაწინააღმდეგო ქმედების ჩადენის შემთხვევაში, ადმინისტრაციული ჯარიმის ქვედა ზღვარი 400 ლარი იქნება. უცვლელი რჩება ფულადი სანქციის ზედა ზღვარი, რომელიც 2 000-ლარს შეადგენს.

თელავში წიგნის „როგორ აღწევენ ბავშვები წარმატებას“ პრეზეტაცია გაიმართა. ქართულად ნათარგმნი წიგნი, „როგორ აღწევენ ბავშვები წარმატებას: შეუპოვრობა, ცნობისმოყვარეობა და ხასიათის უხილავი ძალა“ -ს ავტორი ამერიკელი მწერალი პოლ ტაფია. წიგნის მთარგმენლი ლელა დუმბაძე, ხოლო რედაქტორი თინათინ ხომერიკია. 

საქართველოში ეროვნულ-დემოკრატიული ინსტიტუტის (NDI) დელეგაცია ჩამოვიდა. ორგანიზაციის ინფორმაციით, ვიზიტის მიზანი საქართველოში 15 ივნისს დაგეგმილი ადგილობრივი არჩევნების წინ ქვეყანაში არსებული გარემოს შეფასებაა.

დავით ქევხიშვილის მიმართ გამოტანილი სანქცია არის პროპორციული, – ამის შესახებ საქართველოს იუსტიციის მინისტრმა, თეა წულუკიანმა დღეს ჟურნალისტებს განუცხადა.

newspress.ge–ს ინფორმაციით, ქართულ ბაზარზე არსებული, კოფეინის დიდი რაოდენობით შემცველი ენერგეტიკული სასმელების ჭარბი რაოდენობით მიღების შედეგად, გასულ წელს 5 ადამიანი გარდაიცვალა.

ადგილობრივი თვითმმართველობის არჩევნები ახლოვდება. თელაველი  ახალგაზრდების ნაწილი კი არჩევნებში მონაწილეობის აზრს ვერ ხედავს. გარდა იმისა, რომ  მოახლოებული არჩევნების შესახებ მწირ ინფორმაციას ფლობენ, პოლიტიკოსებისა და პარტიების   უინტერესო და გაუგებარ პროგრამებზე მიუთითებენ. Aახალგაზრდების უმეტესობა მიიჩნევს, რომ საარჩევნო საკითხების შესახებ ინფორმაცია არასაკმარისია.

24 წლის ილია საყვარლიშვილი ადგილობრივი თვითმმართველობის არჩევნებს ოპტიმისტურად უყურებს. საყვარლიშვილი თითოეული ახალგაზრდის აქტიურობასა და საარჩევნო პროცესებში ჩართვას ქვეყნის დემოკრატიული განვითარების წინაპირობად მიიჩნევს. ახალგაზრდების საარჩევნო პროცესებში აქტიურად ჩართვაში ილია საყვარლიშვილი მნიშვნელოვან როლს ანიჭებს მათს ინფორმირებას.

ყვარლის გამგეობაში სამუშაო პროცესი შეჩერებულია. გამგეობის თანამშრომლებს შენობაში არ უშვებენ. ადგილზე საპატრულო პოლიციის თანამშრომლები არიან მობილიზებული, რომლებიც პერიმეტრს აკონტროლებენ. გამგეობის შენობასთან იმყოფებიან გამგებელ დავით ქევხიშვილის მხარდამჭერები.

ყვარლის გამგებელი დავით ქევხიშვილი წვრილმანი ხულიგნობის ბრალდებითა არის დაკავებული. ამის შესახებ “ინტერპრესნიუსს” შინაგან საქმეთა სამინისტროს პრესასა და საზოგადოებასთან ურთიერთობის დეპარტამენტის უფროსმა ნინო გიორგობიანმა განუცხადა.