ახალი ამბები

გურჯაანის მუნიციპალიტეტის სოფელ ვაჩნაძიანში ბუნებრივი ტბა აღმოაჩინეს. ტბა სოფელ ვაჩნაძიანის დასავლეთით 7 კილომეტრზე, პატარა ქვაბულში მდებარეობს. 

თელავის მუნიციპალიტეტის სოფელ იყალთოში აბბა ალავერდელმა მიტროპოლიტმა დავითმა თიანეთისა და ფშავ-ხევსურეთის ეპისკოპოს მიქაელთან და ალავერდის ეპარქიის სამრვდელოებასთან ერთად ქვევრის სკოლა-სახელოსნოს სამშენებლო მოედნის საძირკველი აკურთხა.

კახეთის ენერგოდისტრიბუციის ინფორმაციით, 1 ივლისს, 05:00 -დან 10:00 სთ-მდე, ქალაქ თელავში რამდენიმე ქუჩას ენერგომომარაგება შეეზღუდება.

ანალოგური საეთერო ტელემაუწყებლობის გათიშვის გრაფიკის მიხედვით, მაუწყებლობა 1 ივლისის 10:00 საათიდან 25 აგვისტოს 10:00 საათამდე ეტაპობრივად, რეგიონების მიხედვით გაითიშება.

დღეს თელავის სახელმწიფო უნივერსიტეტის წარმომადგენლობითმა საბჭომ ადმინისტრაციის ხელმძღვანელის თანამდებობაზე მზია მაისურაძის კანდიდატურა ფარული კენჭისყრით დაამტკიცა. მაისურაძეს საბჭოს 20-მა წევრმა დაუჭირა მხარი, ხოლო ერთი ხმა კი გაბათილდა. 

თელავის „მედია კაფეში“ ინტელექტუალური საკუთრების პოლიტიკაზე იმსჯელეს. დისკუსია გაიმართა საქართველოს ინტელექტუალური საკუთრების ეროვნული ცენტრის – ,,საქპატენტისა“ და არასამთავრობო ორგანიზაცია „მედია ცენტრი კახეთის“ ინიციატივით, რომელსაც ფერმერები, მეწარმეები, სამთავრობო და არასამთავრობო ორგანიზაციების წარმომადგენლები ესწრებოდნენ.

დღეს სახელმწიფო პროგრამის “აწარმოე საქართველოში” კონკურსში მონაწილეობის მიღების მსურველთა ონლაინ რეგისტრაცია დაიწყება. 

სირიაში საომარი მოქმედებების დროს საქართველოს კიდევ ერთი მოქალაქე 23 წლის თურფალ ბორჩაშვილი დაიღუპა. ადგილობრივები აცხდებენ, რომ ბორჩაშვილი 6 თვის წინ თურქეთში სამუშაოდ წავიდა და მათთვის უცნობია, როგორ მოხვდა სირიაში.

თელავის სახელმწიფო უნივერსიტეტის სტუდენტებმა საქართველოს საუნივერსიტეტო სპორტის ფედერაციის ეგიდით, ,,უნივერსიადა 2015“-ის პროგრამით გათვალისწინებულ ქვიშის ფრენბურთის ტურნირზე ვერცხლის მედლები მოიპოვეს.

თელავის სახელმწიფო უნივერსიტეტის აკადემიურმა საბჭომ ადმინისტრაციის ხელმძღვანელად მზია მაისურაძე შეარჩია. მაისურაძეს საბჭოს 6 წევრიდან ხუთმა დაუჭირა მხარი. აკადემიური საბჭოს წევრი მალხაზ ცირეკიძემ ვერ დააფიქსირა საკუთარი პოზიცია, რადგან არ ესწრებოდა სხდომას.