ახალი ამბები

მართლმადიდებელი სამყარო დღეს მაცხოვრის შობის ბრწყინვალე დღესასწაულს აღნიშნავს. ამასთან დაკავშირებით ტაძრებში საზეიმო ღვთისმსახურება ღამისთევით ტარდება.

დღეიდან კახეთის რეგიონში ჰაერის ტემპერატურა მოიმატებს. ამის შესახებ ინფორმაციას გარემოს ეროვნული სააგენტო ავრცელებს. 

აღმოსავლეთ საქართველოს, ზოგიერთ რაიონში მოსალოდნელია ნალექი, მთაში თოვლის სახით. ყინვა შესუსტდება, ღამით მოსალოდნელია -2, +3 გრადუსი, დღისით +6, +11 გრადუსი. 

ქვეითად მოსიარულე მამაკაცს ავტომანქანა ცენტრალურ ავტომაგისტრალზე დაეჯახა. შემთხვევის შედეგად 75 წლის მოხუცი ადგილზე გარდაიცვალა.

თელავში მოკლულ პოლიციელებს გელა ლამაზოშვილსა და მაია ჯავახიშვილს დღეს დაკრძალავენ. ღვთისმშობლის მიძინების ტაძარში გარდაცვლილი პოლიციელების სამოქალაქო პანაშვიდს საქართველოს პრემიერ-მინისტრი გიორგი კვირიკაშვილი, შს მინისტრი გიორგი მღებრიშვილი, სახელმწიფო უსაფრთხოების სამსახურის ხელმძღვანელი ვახტანგ გომელაური, სასჯელაღსრულების მინისტრი კახი კახიშვილი, მთავრობის სხვა წარმომადგენლები და დეპუტატები ესწრებიან.

პანკისის ხეობისა და თუშეთის თითქმის ყველა სოფელმა, საგარეჯოს 9,  თელავის 5, ხოლო  გურჯაანის ორმა სოფელმა მაღალმთიანი დასახლებების სტატუსი  მიიღო. სტატუს გარეშე დარჩა სიღნაღის მუნიციპალიტეტის სოფელი ნუკრიანი, რომელიც ზღვის დონიდან 820 მეტრზე მდებარეობს. 

დიდთოვლობას და ყინვებს კახეთის სოფლებში სიბნელეც ახლავს თან. ახალი წლის პირველ დღეს ელექტროენერგია რეგიონის 30 მდე სოფელს არ მიეწოდებოდა. 

საავტომობილო გზების ნაწილზე მოძრაობის სპეციალური რეჟიმია დაწესებული. 

რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, მათი წარმომადგენლები მთელი საქართველოს მასშტაბით გზის გაწმენდით სამუშაოებს 24 საათის განმავლობაში, ინტენსიურ რეჟიმში ახორციელებენ.

გარემოს ეროვნული სააგენტოს ინფორმაციით, კახეთის რეგიონში ყინვები 7 იანვრამდე შენარჩუნდება. მცირე თოვლია ნავარაუდევი აღმოსავლეთ საქართველოს ზოგიერთ ქალაქში. 

კათოლიკოს-პატრიარქი, უწმინდესი და უნეტარესი ილია მეორე მრევლს შეახსენებს, რომ შობის ღამეს ფანჯარაში სანთლის დანთება არ დაავიწყდეს.

ამის შესახებ ილია მეორემ სამების საკათედრო ტაძარში საკვირაო ქადაგებისას ბრძანა. პატრიარქი შესთხოვს უფალს, რომ “ყველა ჩვენგანში იშვას ქრისტე”.

დღეს კახეთის რეგიონში ჰაერის ტემპერატურის მკვეთრი დაცემაა მოსალოდნელი. გარემოს ეროვნული სააგენტოს ინფორმაციით, ჰაერის ტემპერატურა აღმოსავლეთ საქართველოს ბარში, ღამის საათებში იქნება -12 გრადუსამდე, მთაში -16 გრადუსამდე, მაღალმთაში -23 გრადუსამდე.