ახალი ამბები

საჯარო მოხელეთა ტესტირებას თელავში 27-28 დეკემბერს, განათლების სამინისტროს შეფასებისა და გამოცდების ეროვნული ცენტრი ჩაატარებს. ტესტირება კონკურსისი მეორე ეტაპია.

თვითმმართველი თემის გამგეობასა და საკრებულოს აპარატში გამოცხადებულ 151 ვაკანსიაზე განაცხადების მიღება 19 დეკემბერს დასრულდა.

კამპანიის ფარგლებში, შსს-ს კახეთის სამხარეო მთავარი სამმართველოს გურჯაანის რაიონული სამმართველოს უბნის ინსპექტორ-გამომძიებლებმა, რომლებიც ოჯახში ძალადობის საკითხებზე შსს-ს პოლიციის აკადემიაში სპეციალურ ტრენინგზე არიან გადამზადებული, გურჯაანის რაიონის სოფელ ველისციხის მოსახლეობას ოჯახში ძალადობის წინააღმდეგ ბრძოლის საინფორმაციო ბუკლეტები დაურიგეს. 

თელავის ვიცე-მერის თენგიზ მთვარელიშვილის თქმით, 2015 წლის ბიუჯეტის პროექტში ქალაქისთვის ყველა მნიშნელოვანი საკითხია შეტანილი. ბიუჯეტის პროექტში ყველაზე დიდი თანხა ინფრასტრუქტურულ პროექტებზე მოდის

უნიკალური აღმოჩენა კახეთში – შირაქის ველზე ე.წ. დიდნაურის ტერიტორიაზე არქეოლოგებმა 3 ათას 200 წლის წინანდელი ნაქალაქარი აღმოაჩინეს. სპეციალისტები ტერიტორიით მას შემდეგ დაინტერესდნენ, რაც კოსმოსურმა სატელიტურმა გადამცემმა დიდნაურის მიდამოებში უძველესი ნაქალაქარი დააფიქსირა.

მართლმადიდებელი ეკლესია დღეს საქართველოს ეკლესიის მფარველის, მირონ-ლუკიის მთავარეპისკოპოსის, წმინდა ნიკოლოზ სასწაულმოქმედის ხსენების დღეს აღნიშნავს. ამასთან დაკავშირებით ტაძრებში წირვა-ლოცვა გაიმართება.

ჟურნალისტიკაში ევროკავშირის პრიზის მფლობელები დღეს დასახელდებიან. როგორც ღონისძიების ორგანიზატორები აცხადებენ, ევროკავშირის პრიზი ჟურნალისტიკაში მიზნად ისახავს ქართულ მედიაში ისეთი ჟურნალისტური ნაშრომების აღიარებას, რომელიც შესრულებულია პროფესიულ დონეზე და ჟურნალისტური ეთიკის მაღალი სტანდარტების დაცვით. 

გურჯაანის მუნიციპალიტეტის სოფელ ჭერემში დღეს ახლად აშენებული ელექტროგამანაწილებელი ქსელი გაიხსნება. ღონისძიებას გუბერნატორთან ერთად ენერგეტიკის მინისტრი კახა კალაძე და რაიონის ხელმძღვანელი პირები დაესწრებიან.

საგარეჯოში, სარეაბილიტაციო სამუშაოები იანვრიდან დაიწყება და 2 წელს გასტანს. პროექტის მიხედვით მოსახლეობის ინდივიდუალურად გამრიცხველიანება იგეგმება. 

ჯგუფი 12 წევრისგან შედგება და მისი წევრი შეიძლება იყოს სოციალური მუშაკი, ფსიქოლოგი, იურისტი, ექიმი, ფსიქიატრი და ოჯახში ძალადობის საკითხებზე მომუშავე ექსპერტი. მომავალი წლიდან კონკრეტული საქმეების განხილვა იქნება შესაძლებელი.