,,ჰერეთმა” ,,თბილისი” შექმნა
,,ჰერეთი” საქართველოს პირველი რეგიონული მაუწყებელია, რომელმაც თავისი არეალი გააფართოვა და მაუწყებლობას დედაქალაქიდან იწყებს. მედიაკომპანია ,,კახეთის ხმა” ულოცავს პარტნიორ რადიოკომპანია ,,ჰერეთს” ამ მნიშვნელოვან წარმატებას და მსმენელის სიმრავლეს უსურვებს.
-რამაზ, პირველ ყოვლისა გილოცავთ. რას სთავაზობს რადიო ,,თბილისი თავის მსმენელს?
-,,თბილისის“ მაუწყებლობა ამჟამად ვრცლდება სრულიად თბილისში და მის შემოგარენში: რუსთავში, მცხეთასა და კახეთში. ვიმუშავებთ როგორც დედაქალაქისთვის, ასევე, რეგიონებისთვის ჩვენს პარტნიორ რადიოსადგურებთან ერთად, გვექნება პირდაპირი ჩართვები მოვლენების შუაგულიდან, ერთობლივი პროდუქტები, გადაცემები, ანალიტიკური პროგრამები, ერთობლივი სარეკლამო სივრცე და სხვა. ამჟამად ეთერში გვაქვს ყველა თაობის გემოვნებიანი მუსიკა და პოპულარული სიმღერები. ჩვენ თავიდანვე უარი ვთქვით სარესტორნო ქართულ მუსიკაზე და რუსულ სიმღერებზე, ასეთი ტიპის მუსიკა ამ რადიოსადგურში ვერ მოხვდება. ამჟამად რადიოსადგურში მიმდინარეობს ტექნიკური სამუშაოები, ორგანიზაცია ამერიკის შეერთებული შტატებიდან აპარატურას ელოდება, რის შემდეგაც საინფორმაციო ბადე სრულად დაიტვირთება. ჩვენ გვაქვს კერძო საერთო რადიომაუწყებლობის ლიცენზია, რაც გულისხმობს ახალი ამბებისა და საზოგადოებრივ პოლიტიკური თოკშოუების მომზადებას. გვინდა, გავაკეთოთ ისეთი ტიპის რადიოსადგური, რომელიც სრულყოფილად შეასრულებს რადიოს ფუნქციას და არ იქნება დაშტამპული, რომელიც შემოიფარგლება მხოლოდ ახალი ამბებით და ერთი ჟანრის მუსიკით. ეს იქნება ცოცხალი ინტერაქტიული რადიო, რომელიც განსხვავებულ პროდუქტს იმ 32 რადიოსაგან შესთავაზებს, რომელიც მაუწყებლობს თბილისში. ვეცდებით, ძალიან მალე რადიო თბილისმა დაიმკვდიროს სახელი ბაზარზე.
-ჩვენთვის ცნობილია, რომ რადიო იწყებს გრანდიოზულ აქციას. გთხოვთ, ჩვენს მკითხველს დეტალურად აუხსნათ რაში მდგომარეობს აქციის არსი;
-რადიო ,,თბილისი“ მაუწყებლობას უპრეცედენტო აქციით იწყებს სახელწოდებით ,,მოძებნე თბილისი”. აქციის ფარგლებში გათამაშდება გრანდიოზული პრიზები. აღნიშნული სარეკლამო კამპანია კახეთშიც გავრცელდება, რადგან სამაუწყებლო კომპანია ფლობს ორ რადიოსადგურს ჰერეთსა და თბილისში.
ფეისბუქის მომხმარებლები და რადიომსმენელები იღებენ ფოტოებს, სადაც ჩანს რადიო თბილისის სიხშირე FM 93.5 (მაგალითად, ჩართული რადიომიმღები) ან მათი ინტერპრეტაციითა და ფანტაზიით გამოსახული, თუნდაც მეგობრებთან ერთად გადაღებული. არა აქვს მნიშვნელობა ფოტოს, მთავარია, იყოს ორიგინალური და იკითხებოდეს FM93.5. ფოტოს მომხმარებელი აგზავნის რადიო თბილისის ,,ფეისბუკის” გვერდზე. 3 ფოტოს ავტორი, რომელიც ყველაზე მეტად გავრცელდება (გაზიარდება) და მოწონებას დაიმსახურებს მიიღებს პრიზებს. პირველი ადგილის მფლობელი კომპანია ,,გუდთრეველისგან” მიიღებს 6-დღიან საგზურს კაბადოკიაში. მეორე ადგილზე გასული კომპანია ,,ჯეობითისგან” მიიღებს ,,სამსუნგ გალაქსს”. მესამე ადგილის მფლობელს კი, ტორტების მაღაზიათა ქსელ ,,აზატოსგან” სასაჩუქრე ბონუსბარათი გადაეცემა.
-როგორ ფიქრობთ, რა არის რადიო ,,თბილისის” წარმატების გასაღები?
-ვიწყებთ აქტიურად მუშაობას და ვეცდებით, რომ ის 17-წლიანი გამოცდილება, რაც გვაქვს რადიობაზარზე, ავსახოთ ახალ რადიოსადგურზეც. ჩვენ გვაქვს ჯანსაღი ამბიცია, რომ რადიო თბილისი გახდეს ერთ-ერთი ლიდერი ქართულ რადიოსამაუწყებლო სივრცეში. ჩვენ გვინდა რომ დავაბრუნოთ რადიოკულტურა, ადამიანებმა რადიო დაიწყონ თბილისით და ამას აუცილებლად მოვახერხებთ.
რადიო ,,თბილისის” მოძებნა საძიებო სისტემაში 93.5 სიხშირეზე უკვე შესაძლებელია.