სოფო და გიორგი ყარალაშვილები-შოვის ტრაგედიის მსხვერპლები

სოფო ყარალაშვილის ცხედარი იდენტიფიცირებულია.

ამის შესახებ გოგონას მამიდა აცხადებს.

“აღარც სასწაულია და არც არაფერი. დღეს ორივე მიგვყავს თავის სახლში, სოფოც აღარ გვყავს“.

და-ძმა სოფო და გიორგი ყარალაშვილები, 3 აგვისტოს შოვის სტიქიას ემსხვერპლნენ.

სოფო ყარალაშვილი, წარჩინებული მოსწავლე იყო. მან 2018 წელს, ერთიან ეროვნულ გამოცდებზე 100 %-იანი საგრანტო დაფინანსება მოიპოვა.

მოგვიანებით, მან ასევე წარჩინებით დაამთავრა თბილისის ივანე ჯავახიშვილის სახელობის სახელმწიფო უნივერსიტეტი და სწავლის გაგრძელებას ამერიკის შეერთებულ შტატებში წელს გეგმავდა.

არსებული ინფორმაციით, და-ძმას მშობლიურ წნორში დაკრძალავენ.

ახალგაზრდები წარმატებული მოსწავლეები იყვნენ. Knews.ge უსამძიმრებს გარდაცვლილის ოჯახებსა და მეგობრებს.

გზა საქობოს სკოლიდან სორბონის უნივერსიტეტამდე- გაიცანით გიორგი ყარალაშვილი სიღნაღიდან

შოვში დაღუპულთა შორის ერთ-ერთი სიღნაღელი გიორგი ყარალაშვილია