სოფელ მანავში ავარიას ერთი ადამიანი ემსხვერპლა, 3 კი დაშავდა
საგარეჯოს მუნიციპალიტეტის სოფელ მანავში ავარია მსხვერპლით დასრულდა.
თვითმხილველების ინფორმაციით, მსუბუქი ავტომობილი საპირისპიროდ მოძრავ ტრაილერს შეეჯახა. შემთხვევის დროს მანქანაში მყოფი ახალგაზრდა მამაკაცი ადგილზე გარდაიცვალა, 3 მგზავრი კი დაშავდა, მათ შორის, ერთი მცირეწლოვანი ბავშვი.
ადგილზე პოლიცია მუშაობს.