თელავში ღამის კლუბი გაიხსნა

თელავში, სასტუმრო ძველი თელავის ტერიტორიაზე ღამის კლუბი Deer Club-ი ოფიციალურად გაიხსნა.

კლუბი მომხმარებლებს ცოცხალ მუსიკას, მოწვეულ DJ-ს მოსმენას და სხვა მომსახურებას სთავაზობს.

,,კლუბში გაიმართება ქართველი ესტრადის ვარსკვლავების საღამოები და დღის ბოლოს შესაძლებელი იქნება მოვუსმინოთ ცნობილ ქართველ და უცხოელ DJ-ს”,-განუცხადა knews.ge-ს კლუბის პიარ მენეჯერმა ბექა ხალათაშვილმა.

კლუბის ადმინისტრაციაში აცხადებენ, რომ მოეწყობა შოუ ბარები, მომხმარებელს მოემსახურება თბილი და ყურადღებიანი პერსონალი.

,,თელავს აკლდა ისეთი გარემო, სადაც აქ მცხოვრებ ახალგაზრდებს შეეძლოთ, საღამოს ან ღამის საათებში მეგობრებთან ერთად გართობა, დროის გატარება, ცეკვა-სიმღერა და ა.შ. სწორედ ზემოაღნიშნულს სთავაზობთ ,,Deer Club-ი” .

აქ შეგიძლიათ დაგეგმოთ ნებისმიერი ღონისძიება, წვეულება ან უბრალოდ ყოველ საღამოს გვეწვიოთ, განიტვირთოთ და დრო გაატაროთ მეგობრებთან ერთად.  კლუბში შემოსვლა იქნება უფასო. არ დაიშვებიან 18 წლამდე ახალგაზრდები”,-აცხადებენ კლუბის ადმინისტრაციაში.