თელავში კვების ობიექტები ონლაინ მიტანის სერვისზე გადავიდნენ

საოჯახო კაფეს ,,სუ თელავიას” უფროსი გიორგი მოსიაშვილი knews.ge-სთან აცხადებს, რომ დაწესებულება შექმნილ მდგომარეობასთან გამკლავებას მიტანის სერვისით ჩანაცვლებით ცდილობს.

,,უსაფრთხოების მიზნით უკვე 2 კვირაა დავიკეტეთ, რაც რა თქმა უნდა ბიზნესზე აისახება. თუმცა, გაიზარდა მოთხოვნა პროდუქტების სახლში მიტანის სერვისზე. ასე რომ,  ვაგრძელებთ მუშაობას რათა ჩვენი საოჯახო კაფეს მომხმარებელმა ისარგებლოს შეუფერხებლად,” – განაცხადა გიორგი მოსიაშვილმა.

ახალი რეგულაციებიდან გამომდინარე, უფასო მიტანის სერვისზე გადავიდნენ რესტორნები და კაფეები.

რესტორანი ,,კაპილონი” , კაფე ,,ბრავო” და სხვა კვებითი ობიექტები თელავში ყოველდღე, 9:00-დან 21:30-მდე ემსახურებიან მომხმარებელს.

ავტორი: მარიამ ოქროცვარიძე