კახეთში ამომრჩევლის აქტივობა 23.5%-ს შეადგენს

საარჩევნო უბნების დახურვამდე 3 საათით ადრე, არჩევნებში მონაწილეობა 23.5%-მა მიიღო.
თელავის მე-10 საოლქო საარჩევნო კომისიის თავმჯდომარის რევაზ გაიპარაშვილის განცხადებით, არჩევნები მშვიდ ვითარებაში მიმდინარეობს.
,,13205 ამომრჩეველია დაფიქსირებული და 20:00 საათისთვის გვექნება კიდევ მომატებული რაოდეობა.
მიმაჩნია, რომ მეორე ტურისთვის, სადაც მხოლოდ 2 კანდიდატი იღებს მონაწილეობას, ამომრჩევლის აქტივობა ნორმალურია.
რაც შეეხება საჩივრებს, ამ დრომდე არ გვაქვს არც ტექნიკური ხასიათის და არც სხვა”, – განაცხადა knews.ge-სთან რევაზ გაიპარაშვილმა.
არჩევნებისთვის კახეთის ერთ თელავის, ახმეტის, ყვარლისა და ლაგოდეხის მე-10 საარჩევნო ოლქში, 153 609 ამომრჩეველია რეგისტრირებული.
ცესკოს ინფორმაციით, არჩევნებისთვის აღნიშნულ ოლქში შექმნილია 154 საარჩევნო უბანი.
ცენტრალური საარჩევნო კომისიის ინფორმაციით, აღნიშნულ ოლქში ხმების 47, 26% ქართული ოცნების კანდიდატმა, ირაკლი ქადაგიშვილმა მოიპოვა 40, 43% კი გაერთიანებული ოპოზიციის კანდიდატმა გიორგი ბოტკოველმა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *