დედოფლისწყაროში მიწისძვრა მოხდა

დღეს, კახეთში, დედოფლისწყაროს მუნიციპალიტეტში მიწისძვრა დაფიქსირდა.

ილიას სახელმწიფო უნივერსიტეტის სეისმური მონიტორინგის ცენტრის ინფორმაციით, მიწისძვრის სიმძლავრე 3,8 მაგნიტუდას შეადგენდა. ეპიცენტრი ქალაქ დედოფლისწყაროდან 20 კილომეტრში იყო.

როგორც knews.ge-ს დედოფლისწყაროს მუნიციპალიტეტის გამგებელმა ნიკოლოზ ჯანიაშვილმა განუცხადა, მიწისძვრას ნგრევა არ მოჰყოლია.

„მიწისძვრა იყო, მაგრამ მადლობა ღმერთს ზარალი არ მოჰყოლია. არც არავინ არ დაშავებულა. მიწისძვრის ეპიცენტრი დედოფლისწყაროდან სამხრეთ-დასავლეთით დაახლოებით 20 კილომეტრში დაფიქსირდა“, – განუცხადა knews.ge-ს ნიკოლოზ ჯანიაშვილმა.