ძლიერმა სეტყვამ კახეთში ვენახები და ხეხილის ბაღები დააზიანა
,,სეტყვის შედეგად დაზარალდა რამდენიმე სოფელი. ჩემი პირველადი ინფორმაციით, დაზიანებულია როგორც ერთწლიანი და მრავალწლიანი კულტურები, ასევე ნაწილობრივ ვენახი. ზარალის ზუსტი რაოდენობა გვეცოდინება უახლოეს დღეებში. ჩვენი ჯგუფები უკვე გასულები არიან ადგილებზე“, – განუცხადა knews.ge-ს ლაგოდეხის მუნიციპალიტეტის გამგებლის პირველმა მოადგილემ გიორგი ბოკერიამ.
ძლიერი წვიმა და სეტყვა იყო გურჯაანის მუნიციპალიტეტშიც. knews.ge-ს ინფორმაციით, სოფელ ვაზისუბანში უხვი ნალექის შედეგად სანიაღვრე არხებმა მოვარდნილი წყალი ვერ გაატარა და დაიტბორა საცხოვრებელი სახლების სარდაფების ნაწილი. სეტყვამ ბაღები და ვენახებიც დააზიანა.