თელავის ვიცე მერი საკუთრებაში 16 000 კვ.მ. მიწის ფართობს ფლობს

ვიცე მერის მეუღლე თამუნა თეიმურაზიშვილი შპს ბავშვთა ჯანმრთელობის ცენტრში ექიმ ეპიდემიოლოგად და დაავადებათა კონტროლის და საზოგადოებრივი ჯანმრთელობის ეროვნული ცენტრის კახეთის რეგიონულ ცენტრში უფროს სპეციალისტად მუშაობს.  

2016 წლის პირველი იანვრიდან 31 დეკემბრის ჩათვლით თეიმურაზიშვილის შემოსავალმა სულ 12 990 ლარი შეადგინა, ხოლო თენგიზ მთვარელიშვილის შემოსავალის ოდენობა 37 500 ლარს გაუტოლდა. 2015 წლის 19 ოქტომბრის დეკლრაციით კი ვიცე მერის თანამდებობრივი სარგოს შემოსავალმა 12 146 ლარი შეადგინა. 

„ყოველ წელს, როდესაც თანამდებობის პირი ავსებს ქონებრივ დეკლარაციას, უთითებს წინა წლის მონაცემებს. როდესაც მე 2015 წლის 19 ოქტომბერს შევავსე წინა წლის დეკლარაცია, დეკლარაციაში მივითუთე დანიშვნიდან ხუთი თვის განმავლობაში მიღებული შემოსავალი. მე 2014 წელს უფლებამოსილება 5 თვის განმავლობაში შევასრულე“, – განუცხადა knews.ge–ს თენგიზ მთვარელიშვილმა.

თენგიზ მთვარელიშვილის საკუთრებაშია სოფელ ვაზისუბუნაში მდებარე სამი მიწის ნაკვეთი, რომელთა ფართობი 7232 კვ.მ–ს, 3939 კვ.მ–ს და 5282 კვ.მ–ს შედაგენს. 

„ერთი მიწის ნაკვეთი, რომელიც 5282 კვ.მ–ს შეადგენს, პაპამ დამიტოვა. დანარჩენი დაახლოებით 12 000 კვ.მ. მიწის ფართობი კი შევიძინე 2011 წელს. მე ვეწევი სასოფლო–სამეურნეო საქმიანობას. როდესაც მოსავალს ვიღებ, მას ვყიდი. ჩემი საქმიანობა რა თქმა უნდა ეკონომიკურ მიზნებს შეიცავს“, – აღნიშნავს მთვარელიშვილი.