რას ითვალისწინებს თელავის დეპუტატობის კანდიდატების საარჩევნო პროგრამები
პარტია “ქართული ოცნება–დემოკრატიული საქართველოს” მაჟორიტარი დეპუტატობის კანდიდატმა ირაკლი სესიაშვილმა ცესკოში რეგისტრაცია 8 სექტემბერს გაიარა. სესიაშვილი ამბობს, რომ ზუსტად იცის რა მიმართულებით უნდა იმუშავოს პარლამენტში. მმართველი გუნდის კანდუდატის პრიორიტეტების ნუსხაში ერთ–ერთ მთავარ ადგილს თელავის ისტორიულ და კულტურულ ქალაქად გაგდაქცევა იკავებს.
“მინდა, თელავი გახდეს კერა, ადგილი, სადაც საერთაშორისო დონის ფესტივალები ჩატარდება და მოვიზიდავთ უფრო მეტ ტურისტს და ინვესტორს, გავხსნით საწარმოებს, სადაც ადგილობრივი მოსახლეობა დასაქმდება. ჩვენმა ხელისუფლებამ შექმნა იმის საფუძველი, რომ ქვეყანა სწრაფად განვავითაროთ, ეკონომიკურად მოვძლიერდეთ, რომ ჩვენი ქვეყნის თითოეულმა მოქალაქემ იგრძნოს ის კეთილდღეობა, რომელიც ჩვენს გუნდს აქვს მიზნად დასახული. ჩემი როგორც მაჟორიტარობის კანდიდატის სურვილია, გაკეთდეს გასართობი და დასასვენებელი პარკები, სადაც მოეწყობა ღია თეატრები, სკეიდბორდისა და ველო მოედნები, რაც ხელს შეუწყობს ახალგაზრდებში ჯანსაღი ცხოვრების წესის დამკვიდრებას. მე მინდა არამარტო თელაველებისა და ყვარლელების ხმა ვიყო პარლამენტში, არამედ მათთან ერთად ვიზრუნო ჩვენი ქალაქისა და ქვეყნის განვითარებისთვის”, – აცხადებს ირაკლი სესიაშვილი.
გამარჯვების შემთხვევაში ქალაქ თელავის რეაბილიტაციის განახლების პირობას აძლევს ამომრჩეველს „ერთიანი ნაციონალური მოძრაობიდან“ მაჟორიტარი დეპუტატობის კანდიდატი. გიორგი ბოტკოველი მიუთითებს, რომ სარემონტო სამუშაოების პირველი ეტაპი 2012 წლამდე განხორციელდა, როდესაც ქალაქის ცენტრს ჩაუტარდა რეაპილიტაცია და ეს პროცესი აუცილებლად გაგრძელდება.
“ჩემი გამარჟვების შემთხვევაში განხორციელდება ქალაქის საკანალიზაციო და გამწმენდი ნაგებობის მშენებლობის პროექტი, დასრულდება ქალაქის წყალმომარაგების პროექტი, რომელიც ხელს შუწყობს მუდმივ წყალმომარაგებას ხარისხიანი წყლით. მოწესრიგდება დაზიანებული და მოეწყობა ახალი სანიაღვრე არხები. მოვაწესრიგებთ გარე განათების სისტემებს, მოვაწყობთ თელავის ხევზე და ალაზნის სარწყავ არხზე გადასასვლელ საცალფეხო ხიდებს, თანამედროვე სტანდარტებით მოეწყობა თელავის გივი ჩოხელის სახელობის საფეხბურთო სტადიონი, ტრიბუნები და ინფრასტრუქტურა, სპორტულ დარბაზებში გათბობის და გაგრილების სისტემებს დავამონტაჟებთ, ბათუმის ქუჩის მიმდებარედ მოეწყობა ხელოვნურსაფარიანი მინი–ფეხბურთის მოედანი, გაგრძელდება 2012 წლამდე დაწყებული “სამხედრო ქალაქის” ტერიტორიაზე არსებული ბინების დაკანონება, მოწესრიგდება ინფრასტრუქტურა და განხორციელდება სრული გაზიფიცირება”, – აღნიშნავს ბოტკოველი.
ეკონომიკური განვითარება, უცხოური ინვესტიციების მოზიდვა, საბიუჯეტო ხარჯების ოპტიმიზაცია, საგადასახადო ლიბერალიზაცია, სოფლის მეურნეობა, ტურიზმის განვითარება, სოციალური და ჯანდაცვის პოლიტიკა, საპენსიო რეფორმა, – ეს ის საკითხებია, რომლებზეც, საპარლამენტო მანდატის მოპოვების შემთხვევაში, ყურადღებას გაამახვილებს პოლიტიკური პარტიის “პაატა ბურჭულაძე სახელმწიფო ხალხისთვის” მაჟორიტარი დეპუტატობის კანდიდატი ვანო გალახვარიძე.
,,ზოგადად უამრვი პრობლემაა როგორც თელავში, ისე თელავის რაიონის სოფლებში. ჩემი გამარჯვების შემთხევაში ჩვენი პარტიის ღირებულებებიდან გამომდინარე, აუცილებლად ვიზრუნებ აღნიშნული საკითხების მოგვარებაზე. ხალხი ძალიან დაიღალა უამრავი დაპირების მოსმენით, რელაურად კი საქმე არ კეთდება. ჩემი უმთავრესი დანიშნულება ადამიანების საკეთილდღედ მიმართული პროექტების განხორციელება იქნება. არ შეიძლება ადგილობრივი თვითმმართველობის ბიუჯეტის არასწორად ხარჯვა, რადგან ბიუჯეტი ადამიანების კეთილდღეობას და მეტი ინვესტორის მოზიდვას უნდა მოხმარდეს”, – ამბობს ვანო გალახვარიძე.
არჩევნებში წგამარჯვების შემთხვევაში, “ლეიბორისტული პარტიის” მაჟორიტარი დეპუტატობის კანდიდატი აკაკი ჯიყაშვილი თელაველებსა და ყვარლელებს პირობას აძლევს, რომ დაიცავს მათ ინტერესებს საქართველოს პარლამენტში. დეპუტატობის კანდიდატი მოსახლეობას სოფლის მეურნეობის განვითარებაზე ზრუნვასა და ისტორიული ძეგლების გადარჩენას ჰპირდება.
,,თელავის მუნიციპალიტეტს აქვს საგანძური – სოფელი კისისხევი, სადაც არის 100–ზე მეტი ისტორული ძეგლი. გამარჯვების შემთხვევაში ჩვენ სწორედ ამ ისტორიული ძეგლების მონახულებას შევთავაზებთ ტურისტებს იმისთვის, რომ განვითარდეს ტურიზმი. გარდა ამისა, ,,ლეიბორისტული პარტიის“ მთავარი მიზანი და დაპირება სოფლის მეურნეობის განვითარებასა და გადარჩენაზე ზრუნვაა’’, – განუცხადა აკაკი ჯიყაშვილმა.
საკუთარი საარჩევნო დაპირებებზე საუბრისგან თავს იკავებენ `ეროვნული ფორუმის” მაჟორიტარი დეპუტატობის კანდიდატმა გელა გელაშვილი და დამოუკიდებელი კანდიდატმა ვასილ კველიშვილი. “რესპუბლიკურ პარტიას” და ნინო ბურჯანაძის პოლიტიკურ გაერთიანებას კი თელავისა და ყვარლის გაერთიანებულ საარჩევნო ოლქში კანდიდატი არ წარუდგენიათ.