,,Life longlearning” – სწავლა სიცოცხლის ბოლომდე
,,Life longlearning” – ეს სიკვდილამდე სწავლის ინგლისურენოვანი შესატყვისია.
მსოფლიოს მრავალი ქვეყნის კოლეჯები და უნივერსიტეტები სამოქალაქო საზოგადოებას უნიკალურ შესაძლებლობას აძლევენ, უმრავი საკითხის შესახებ მიიღონ ინფორმაცია. საზღვარგერეთ სიცოცხლის ბოლომდე სწავლის თვალსაჩინო მაგალითია მასშტაბური ონალინ სასწავლო კურსი, რომლითაც სარგებლობს ნებისმიერი ადამიანი განურჩევლად ასაკისა. საქართველოში ძალიან ბევრ ადამიანს არც მასობრივი ინფორმაციის საშუალებებთან და არც ინტერნეტთან ხელი არ მიუწვდებათ, მაგრამ მუდმივად სწავლის პროცესში არიან.
თელაველი ჯუმბერ სახიაშვილი 78 წლისაა. მან საქართველოს ტექნიკური უნივერსიტეტის საინჟინრო ფაკულტეტი წარჩინებით დაამთავრა. ის ამავე დროს მუსიკოსიცაა, სხვადასხვა კულტურულ ღონისძიებაზე უკრავს ცნობილ მუსიკალურ ნაწარმოებებს. უხუცესი მუსიკოსი ამბობს, რომ მუსიკა ამოუწურავი სფეროა და მუდმივად ახლის ძიების პროცესშია. ის თელავის მუნიციპალიტეტთან არსებულ ქალთა მუსიკალურ ანსამბლსაც ხელმძღვანელობს და სიმღერებს წერს.
„მუსიკა ამოუწურავია, უნდა ეძიო ახალი ჰარმონიული ნაწილი. გოგონების ანსამბლისათვის ვმუშაობ და ვამუშავებ სიმღერებს. თუ ყოველდღე რაიმე ახალი არ წაიკითხე, არ გაიგე მუსიკის შესახებ, წარმატების მიღწევა შეუძლებელია. სამი თვეა გოგონების ანსამბლთან ვმუშაობ. ამ სფეროში მუდმივად ახალს ვსწავლობ, შესაბამის ლიტერატურას ვკითხულობ, რომ მუსიკით დაინტერესებულ ადამიანებს, რაც შეიძლება ორიგინალური, ახალი მივაწოდო. მუსიკაში ძალიან ღრმა ფესვებია ჩადებული. ყველაფერი აგებულია ჰარმონიაზე. მინდა გითხრათ, რომ ბევრი დაკვრის შედეგად ვიპოვე რამდენიმე ახალი აკორდი, რომელიც მანამდე არც ვიცოდი. სიკვდილამდე სწავლის პროცესი ადამიანის დასაბამიდან იღებს სათავეს. თუ არ განაგრძე შენი დაწყებული საქმე, ცოცხალი მკვდარი ხარ“, – ამბობს ჯუმბერ სახიაშვილი.
ის მუსიკის გარდა, ფიტოთერაპიით, ბალახებით მკურნალობითაც არის დაინტერესებული. ჯუმბერ სახიაშვილი სპეციალურ ჟურნალს მოსკოვიდან იწერს და მკურნალობის ამ მეთოდის შესახებ მუდმივად სიახლეებს ეცნობა. ის ირწმუნება, რომ მცენარეული პრეპარატებით რამდენიმე ადამიანი მძიმე დაავადებისაგან განკურნა.
„მე, ასევე, დაკავებული ვარ ფიტოთერაპიით, ბალახებით მკურნალობით. ამ სფეროში ბევრი საკითხია ისეთი, რომ ლიტერატურის მოძიება აუცილებელია. იქ წერია ბალახის წარმოშობა, სად არის გავრცელებული და ა.შ.ზოგიერთს ჰგონია, რომ მარტო ქიმიური წამლებით შეიძლება მკურნალობა. არსებობს ბალახები, რომელთა მეშვეობითაც დაავადებების უმრავლესობას შეიძლება უმკურნალო. ძალიან ბევრი რამ მოვიძიე. ღვიძლის, ნაღვლის სამკურნალო ბალახები. სპეციალისტები ყველაზე მნიშვნელოვნად ვარდკაჭაჭას მიიჩნევენ. არის შემთხვევები, როდესაც ადამიანს ღვიძლში ან ფილტვში უდგება წყალი. არსებობს იმისი შესაძლებლობა, რომ ბალახების მეშვეობით ეს წყალი ამოშრეს. რამდენიმე შემთხვევა მქონდა, რომ მკურნალობის შედეგად რამდენიმე ადამიანის ფილტვიდან წყალი ამოვაშრე“, – ამბობს სახიაშვილი.
78 წლის ჯუმბერი ამავე დროს ქალაქის განვითარების პროცესში აქტიურად არის ჩართული და ორგანიზაცია „თელავის საზოგადოებრივი დარბაზის“ დამფუძნებელიცაა. ის, რამდენიმე აქტიურ მოქალაქესთან ერთად, სწავლობს თელავში არსებულ პრობლემებს და ადგილობრივ ხელისუფლებას რეკომენდაციებსა და რჩევებს აძლევს:
,,ხალხი არჩეულ ხელისუფლებას მხარში უნდა დაუდგეს. მასთან ერთად უნდა აკეთოს საქმე, ააშენოს, ააყვავოს. უცხო რომ ჩამოვიდეს, იმან დადებითად შეგაფასოს. პარლამენტმა მიიღო კანონი გარემოს დაცვის შესახებ, მაგრამ არ არსებობს კონტროლი. ვიკვლევ სხვა ქვეყნის მაგალითებს, რა კონტროლის მექანიზმია უცხოეთში, რომ ეს ადგილობრივ ხელისუფლებას მაინც შევთავაზო. მე ურთიერთობა მაქვს სხვადასხვა სპეციალობის მოქნე ადამიანებთან. მათთან აქტიურად ვთანამშრომლობთ და შემდეგ ხელისუფლებას რეკომენდაციას ვაძლევთ. ბატონის ციხისა და თეატრის რეაბილიტაციასთან დაკავშირებით სპეციალისტებთან კონსულტაციები მქონდა, ეს საკითხი ღრმად შევისწავლე და კონკრეტული რჩევებიც მივეცი ხელისუფლებას“.
,,Life longlearning” – ეს სიკვდილამდე სწავლის ინგლისურენოვანი შესატყვისია. მსოფლიოს მრავალი ქვეყნის კოლეჯები და უნივერსიტეტები სამოქალაქო საზოგადოებას უნიკალურ შესაძლებლობას აძლევენ, უმრავი საკითხის შესახებ მიიღონ ინფორმაცია. საზღვარგერეთ სიცოცხლის ბოლომდე სწავლის თვალსაჩინო მაგალითია მასშტაბური ონალინ სასწავლო კურსი, რომლითაც სარგებლობს ნებისმიერი ადამიანი განურჩევლად ასაკისა. აღნიშნული კურსის ავტორები მომხმარებლებს, ასაკობრივი ნიშნის მიხედვით, სთავაზობენ მრავალფეროვან პროგრამას. რაღა ქვეყნის ფარგლებს გავცდე, ქართველმა პოეტმა დავით გურამიშვილმა თავის პოემაში მუდმივი სწავლის მნიშვნელობა ასე ჩამოაყალიბა: „სწავლა სიკვდიმდე შენია, მუდამ შენთანა მყოფელი; მას გეცილების ვერავინ, არ არის გასაყოფელი“.
ბიბერახი – თელავის პარტნიორობის კომიტეტი ახორციელებს მასშტაბურ საგანმანათლებლო პროგრამას. პროექტის ფინანსურ მხარდაჭერას უზრუნველყოფს GIZ გერმანიის ტექნიკური თანამშრომლობის ფონდი, ,,კავკასიის ქალაქთა ქსელის მცირებიუჯეტიანი პროექტების ფარგლებში გერმანიის განვითარებისა და თანამშრომლობის სამინისტრო.
მხარდამჭერები: მეცნიერების და განათლების სამინისტრო, სპორტისა და ახალგაზრდობის სამინისტრო , შრომის, ჯანმრთელობის და სოციალური დაცვის სამინისტრო. სკოლები, რესურს ცენტრები, უნივერსიტეტი და პროფესიული კოლეჯები, არასამთავრობო სექტორი, სამთავრობო წარმომადგენლობა (გუბერნია და თელავის, ახმეტის, გურჯაანისა და ყვარლის მუნიციპალიტეტები და საკრებულოები) და რეგიონის ბიზნესის ფართო სპექტრი. თელავი გამოფენის მასპინძელია. პროექტები 2004 წლიდან დაიწყო: თელავის რუკა, პირველი მუსიკალური სკოლის აღდგენა, საბაკალავრო სასწავლო პროგრამა – პროექტის მენეჯმენტი (სამშენებლო და მცირე ბიზნესის მენეჯმენტი), საყოფაცხოვრებო ნარჩენები/დასუფთავება და პროფესიული საგანმანათლებლო პროგრამის გაუმჯობესება.
