კახეთში წყალმომარაგების სისტემის რეაბილიტაციაზე 26 მილიონი დაიხარჯება

,,მეორე კვარტალიდან ვიწყებთ 26 მილიონიან პროექტს, რომელიც ითვალისწინებს ახმეტის, ლაგოდეხის, საგარეჯოსა და თელავში, კურდღელაურის წყალმომარაგების სისტემების რეაბილიტაციას. ამ რაიონებში მოსახლეობის ნაწილს ექნება 24-საათიანი, ნაწილს კი წყლის მიწოდების 16, 17 და 18-საათიანი გრაფიკი. 
უკვე დაწყებულია და დეკემბერში უნდა დასრულდეს გურჯაანის წყალმომარაგების სისტემის რეაბილიტაციაც, რომლის შედაგადაც მოსახლეობის 100 პროცენტი უზრუნველყოფილი იქნება 24-საათიანი წყალმომარაგებით, ასევე გაუმჯობესებული ხარისხის სასმელი წყლით. პროექტის ღირებულება 3 მილიონ 278 ათასი ლარია. 
დაწყებულია აგრეთვე წნორის 10-მილიონ-ნახევრის ღირებულების პროექტი და სიღნაღის 1 მილიონზე მეტი ღირებულების პროექტი, რომელიც ითვალისწინებს წყალმომარაგების სისტემების რეაბილიტაციას, იმისათვის, რომ მოსახლეობას ჰქონდეს 24-საათიანი წყალმომარაგება და გაუმჯობესებული ხარისხის სასმელი წყალი”, –აცხადებს პრემიერ მინისტრი.