კახეთში გაზაფხულზე 100 ათასი ჰექტრის მორწყვა იქნება შესაძლებელი

2012 წლისათვის მთელ სა­ქართველოში ირწყვებოდა 20 ათას ჰექტრამდე ფართობი. წელს, წყა­ლუზრუნველყოფილი იყო 70 ათა­სი ჰა. მელიორაციის პროგრამის ფარგლებში, მომავალი რწყვის სეზონი­სათვის, შესაძლებელი იქნება 100 ათასი ჰექტრის მორწყვა. აღნიშნული პროგრამა გრძელდება და 2017 წლისათვის დაგეგმილია 240 ათასი ჰექტრის გასარწყავება. 
ამჟამად, სიღნაღის რაიონში, სოფელ ერისიმედთან მიმდინარეობს სარწყავი სისტემის რეაბილიტაცია, რის შედეგა­დაც დაახლოებით 1500 ჰექტრის სასოფლო-სამეურნეო სავარგუ­ლის მორწყვის საშუალება იქნე­ბა. სამუშაოების ღირებულება შეადგენს დაახლოებით 4 მილიონ ლარს:
,,უნდა დავთვალოთ საპროექტო და საექსპლუატაციო ხარჯები და რენტაბელობა. ზედა სოფლებში, სადაც წყლის აწევის საჭიროება მერყეობს 120-150 მეტრამდე, აუ­ცილებელია სატუმბი სადგურები, რაც ასევე მოითხოვს ელენერგიას და, შესაბამისად, ამ ენერგიის ღი­რებულების გადასახადსაც”, – განაცხადა knews.ge-სთან პარლამენტის აგრარულ საკითხთა კომიტეტის ხელმძღვანელმა გიგლა აგულაშვილ­მა.