უნიკალური წიგნადი ფონდი ნადგურდება – რეპორტაჟი ბაკურციხიდან
გურჯაანის მუნიციპალიტეტის სოფელ ბაკურციხის ყოფილი სასოფლო-სამეურნეო ტექნიკუმის ბიბლიოთეკაში დაცული უნიკალური წიგნები ნადგურდება.
შენობა 2009 წლამდე განათლებისა და მეცნიერების სამინისტროს ბალანსზე იყო, ხოლო შემდეგ აღრიცხვისა და პრივატიზების კახეთის სამმართველოს გადაეცა.
როგორც ადგილობრივები აცხადებენ, რამდენიმე წელია ბიბლიოთეკა უყურადღებოდ არის მიტოვებული, რის გამოც შენობა ნგრევის პირას არის, ხოლო აქ დაცული უნიკალური წიგნების ფონდი ნადგურდება.
ადგილზე ,,კახეთის ხმის’’ ჯგუფის ჩასვლისას აღმოვაჩინეთ, რომ ბიბლიოთეკაში დაცული წიგნები იატაკზე ყრია და ნადგურდება, სახურავიდან კი, წყალი ჩადის, რაც აქ არსებულ უამრავ პრობლემებს უფრო ამწვავებს.
სოფელ ბაკურციხის მკვიდრ ჯულიეტა ქრისტესიაშვილს კარგად ახსოვს ის დრო, როდესაც ბიბლიოთეკაში მუშაობდა. მისი თქმით, აქ დაცული წიგნების წასაკითხად სხვადასხვა სოფლებიდანაც ჩამოდიოდნენ.
”ძალიან ცუდია, რომ ბიბლიოთეკის შენობა უკვე იმდენად ამორტიზებულია, რომ მალე დაინგრევა. თანდათანობით ნადგურდება წიგნების ფონდიც. იქნებ როგორმე ადგილობრივმა ხელისუფლებამ იზრუნოს, გაარემონტოს ეს შენობა ან უნიკალური წიგნები სხვა რომელიმე შენობაში გადაიტანოს. ისე აუცილებელია, რომ ცალკე კარგად გარემონტებული და თანამედროვე შენობა აშენდეს და იქ განთავსდეს სოფლის ბიბლიოთეკა. ადრე ყველას შეეძლო ესარგებლა ამ ბიბლიოთეკით. ნებისმიერი წიგნი გამოგვქონდა და ვკითხულობდით, ახლა კი, ეს ფუფუნება აღარ გვაქვს.’’
სოფლის სხვა მცხოვრებლის თქმით, ბიბლიოთეკის შენობას აუცილებლად უნდა ჩაუტარდეს სარეაბილიტაციო სამუშაოები, რომ მან ძველებური სახე დაიბრუნოს. მათი თქმითვე, ადგილობრივი ხელისუფლების მოვალეობაა შენობაში დაცული უნიკალური წიგნების განადგურებისგან დაცვა.
ლენა ქუმსიაშვილი, სოფლის მკვიდრი:
ჶ,,სოფელში ეს ერთადერთი ბიბლიოთეკა იყო, სადაც სხვადასხვა სოფლებიდანაც მოდიოდნენ წიგნების წასაკითხად. ერთადერთი იყო, სადაც ასეთი უნიკალური წიგნები ინახებოდა. ძალიან გვინდა, აღდგეს ეს ბიბლიოთეკა და ძველებურად იმუშავოს.‘’
ამირან ქურთიაშვილი, სოფლის ,,აქ ძალიან ბევრი წიგნები იყო. მთელი სოფელი ამ ბიბლიოთეკის წიგნებით საზრდოობდა და სარგებლობდა. უკვე დიდი ხანია ამ ადგილს თავი აქვს მინებებული. უყურადღებობის გამო მთლიანად განადგურდა, როგორც შენობა, ასევე წიგნებიც. ფანჯრები დამტვრეულია, ჭერი დაზიანებულია. გარდა ამისა, შენობას არ აქვს კიბე, რომ შევიდეთ შიგნით და ვნახოთ რეალურად რა მდგომარეობაა. კარები კი, დალურსმულია.’’
გურჯაანის მუნიციპალიტეტის საკრებულოს თავმჯდომარე ავთანდილ ზარდიაშვილის თქმით, ამ დროისთვის შესაბამის სამსახურებთან მიმდინარეობს მოლაპარაკება, რომ ყოფილი ტექნიკუმის ბიბლიოთეკის შენობა ადგილობრივი თვითმმართველობის მფლობელობაში გადმოვიდეს.
,,შენობა ჩვენ არ გვეკუთვნის, მიმდინარეობს სამუშაოები, რათა ადგილობრივი თვითმმართველობის ბალანსზე გადმოვიდეს. გარდა ამისა, ჩვენ იქ არსებული სიტუაციის შესახებ ვფლობთ ინფორმაციას და დაგეგმილია ბიბლიოთეკაში დაცული წიგნების აღრიცხვა და მათი უსაფრთხო ადგილზე გადატანა. ჯ
ერ გადაწყვეტილი არ არის, სად გადავიტანთ წიგნებს, ალბათ, ტერიტორიული ორგანოს შენობაში