სტატიები

თელავის მუნიციპალიტეტის გამგეობა ტელეკომპნია ,,გურჯაანს’’ უპირისპირდება. უწყება მედიაორგანიზაციის ჟურნალისტს რესპონდენტზე ზეწოლაში ადანაშაულებს. როგორც გამგეობაში აცხადებენ, თელავის ერთ-ერთ სოფელში ჟურნალისტმა ადგილობრივს პრობლემებზე საუბარი აიძულა. ტელეკომპანია ,,გურჯაანში’’ გამგეობის ბრალდებებს უარყოფენ და განმარტავენ, რომ გამგეობა მოსახლეობას თავისუფალი აზრის გამოთქმას უზღუდავს.

ქალაქ თელავში მცხოვრები მარიამ ალადაშვილი და თამაზ რუსიშვილი უკიდურეს სიღარიბეში ცხოვრობენ. ყოველდღიურად ისინი შიმშილთან გამკლავებას ვერ ახერხებენ. მარიამი დათამაზი ამბობენ, რომ საკვების მოთხოვნით თელავის უფასო სასადილოში რამდენჯერმე მივიდნენ, თუმცა ადმინისტრაციამ უარი უთხრა და მიზეზად ბენეფიციარების უფრო დიდი რაოდენობის გამოკვებისათვის თანხის არასაკმარისი რაოდენობა დაასახელა. თელავის უფასო სასადილოს ადმინისტრაციში ამბობენ, რომზემონახსენებ პირებს მათთვის არასოდეს მიუმართავთ. 

თელავის 4 ბაგა-ბაღის სარეაბილიტაციო სამუშაოებზე დასაქმებული 30-მდე მუშა ქალაქის მერიასა და ტენდერში გამარჯვებულ თურქულ კომპანია ,,კონვენტ ჯორჯიას’’ სააღმზრდელო დაწესებულებაში ჩატარებული სამუშაოების ანაზღაურებას სთხოვს. 

9 მომხრე და 4 წინააღმდეგი – ქალაქ თელავის მუნიციპალიტეტის 2016 წლის ბიუჯეტი საკრებულომ დაამტკიცა. მთავარ ფინანსურ დოკუმენტს ოპოზიციამ ხმა არ მისცა და მიზეზად ბიუჯეტის არამიზნობრივი ხარჯვა დაასახელა. დეპუტატები ამბობენ, რომ ფინანსური სახსრების დიდი ნაწილი მაღალჩინოსნების ინტერესებზეა მორგებული. 

საზოგადოების ძალიან მცირე ნაწილს თუ აქვს ინფორმაცია, რომ სტალინი თელავში რევოლუციურ და ტერორისტულ საქმიანობას აწარმოებდა. 

თელავის სახელმწიფო უნივერსიტეტში სამეცნიერო-კვლევითი განყოფილება გააუქმეს. უმაღლესის სასწავლებლის ამ სტრუქტურული ერთეულის ლიკვიდაციის საკითხი თავდაპირველად აკადემიურმა საბჭომ განიხილა, ხოლო გადაწყვეტილება კი წარმომადგენლობითი საბჭოს სხდომაზე მიიღეს. განყოფილების ხელმძღვანელი, პროფესორი ქეთევან გიგაშვილი აღნიშნულ ფაქტს რექტორის ირმა შიოშვილის ერთპიროვნულ გადაწყვეტილებას უკავშირებს და უმაღლესი აკადემიური თანამდებობის პირის მხრიდან მასზე განხორციელებულ პირად შურისძიებად აფასებს. შიოშვილმა საკითხის კომენტირებისათვის ვერ მოიცალა, ხოლო მისი მოადგილე რექტორის პირად დაინტერესებას გამორიცხავს და განმარტავს, რომ აღნიშნული განყოფილების გაუქმება სამეცნიერო-კვლევითი საქმიანობის ორგანიზაციულ სრულყოფას და ხარისხობრივ ამაღლებას ისახავს მიზნად

ილტოს ხეობას მცირერიცხო­ვანი მოსაცხლეობაც კი ტოვებს. დასახლება სამედიცინო პუნქტის, ბაგა-ბაღისა და საჯარო სკოლის გარეშეა დარჩენილი. 

სოფელ ჯოყოლასა და დუმასტურის დამაკავშირებელი ხიდის მშენებლობა 2013 წლის ზაფხულში დაიწყო, მაგრამ დღემდე არ დასრულებულა. ადგილობრივები ამბობენ, რომ სამშენებლო სამუშაოები 1 თვის წინ განახლდა. მოსახლეობა აცხადებს, რომ, საქმის უხარისხოდ შესრულების გამო, სამშენებლო პროცესი თავად მათ შეაჩერებინეს. 

რეგიონული მედიის ჟურნალისტები ქართულ-ოსური კონფლიქტის ზონაში იმყოფებოდნენ. ისინი, გამყოფ ხაზთან მდებარე სოფლებს: ერგნეთს, დიცს და ზარდიაანთკარს ესტუმრნენ, არსებულ სიტუაციას ადგილზე გაეცნენ და მოსახლეობას გაესაუბრნენ.

17 წლის არასრუწლოვანი გოგონას გატაცების ფაქტზე, რომელსაც სავარაუდოდ, სირიაში გააგზავნიან, შინაგან საქმეთა სამინისტრომ საქმის მოკვლევა დაიწყო. გოგონას ოჯახის წევრები აცხადე­ბენ, რომ 6 ოქტომბერს ერთ-ერთი ორგანიზაციის წარმომადგენელმა, 35 წლის ქალბატონმა, მათი შვილი უნებართვოდ წაიყვანა.