სოფელ გრემში ბიო ღვინისა და წვენების წარმოება დაიწყეს

ესტონეთის საელჩოს მხარდაჭერით ყვარელში, სოფელ გრემში სოციალური მეწარმეობისა და ორგანული სოფლის მეურნეობის ხელშეწყობის პროგრამის ფარგლებში ბიო ღვინის და წვენების წარმოება დაიწყეს.
პროექტს სოციალური საწარმო „თემი“ ახორციელებს, რომელიც რამდენიმე მიმართულებით მუშაობს: მეღვინეობა, მემინდვრეობა, ველოტურიზმი, ხილის წვენის საწარმო, ბოსტანი, საქათმე, საფუტკრე, სადურგლო. ესტონეთის მთავრობის ფინანსური მხარდაჭერითა და ესტონელი ექსპერტების გამოცდილების გაზიარებით.
,,სოციალურმა საწარმომ შეიძინა სპეციალური დანადგარი და დაიწყო ორგანული წვენების წარმოება, შეიქმნა დამატებით 9 სამუშაო ადგილი, რამაც ხელი შეუწყო თემის ბენეფიციარების ფინანსურ დამოუკიდებლობასა და აქტიურ ჩართულობას საზოგადოებრივ ცხოვრებაში. ესტონეთის განვითარების სფეროში თანამშრომლობის პროგრამის პრიორიტეტს ასევე სოფლის მეურნეობის განვითარება და სასოფლო-სამეურნეო წარმოების ხელშეწყობა წარმოადგენს, რაც მნიშვნელოვან წვლილს შეიტანს ქვეყნაში DCFTA სტანდარტების დანერგვაში”, – განუცხადა knews.ge -ს პროექტის წარმომადგენელმა ნინო კარანაძემ.