მოახლოებული ზამთარი და შეშის გარეშე დარჩენილი კახელები

მიუხედავად იმისა, რომ შეშის შეძენის ნებართვის ბილეთის ფასი საკმაოდ დაბალია, კერძო რეალი­ზატორებმა ერთი კუბმეტრი შეშა 100 ლარამდე გააძვირეს, რის გამოც მოსახლეობის ნაწილისათვის შეშის შეძენა ფუფუნებად იქცა. შეშით მომარაგების გარდა, მოსახლეობა ზამთრის მოახლოებასთან ერთად ელემენტარული საყოფაცხოვრე­ბო პრობლემების მოგვარებასაც ვერ ახერხებს. სოფელ კისისხევ­ში მცხოვრებ კოზმანაშვილების 10-სულიან ოჯახს შეშა ჯერ არ შეუძენია და არც წინა წლის არ შემორჩა. ოჯახს საშეშე მერქნის შეძენისათვის საკმარისი თანხა არ აქვს და ისიც არ იცის, ადგილო­ბრივი ხელისუფლება გაუწევს თუ არა დახმარებას.

კოზმანაშვილების მდგომარეობას ისიც ართულებს, რომ შესაძლოა, წლის ყველაზე ცივ სეზონს ღია ცის ქვეშ შეხვდ­ნენ. დაახლოებით 6 წელია, რაც მრავალრიცხოვან ოჯახს ამორტი­ზებულ სახლში უწევს ცხოვრება. 5 ოთახიდან მხოლოდ ერთია საცხო­ვრებლად ვარგისი. 10-სულიანი ოჯახის საცხოვრებელი სახლის მეორე სართული ჩამოინგრა 2012 წლის 19 ივლისს კახეთში მომხდარი ძლიერი სტიქიის შედეგად. ოჯახ­ში მაყვალას ვაჟიშვილის გარდა სრულწლოვანი მამაკაცი არ არის. მაყვალამ მეუღლე აფხაზეთის ომში დაკარგა და ამჟამად სახელმწი­ფოსგან დანიშნული სოციალური დახმარებით სარგებლობს. 
„10-მა ადამიანმა ერთ ოთახში როგორ უნდა ვიცხოვროთ? დამა­ტებით ერთჯერადი დახმარება მაინც არსაიდან გვაქვს. სამას ლარამდე გა­მოყოფილი სპეციალური დახმარება 10 დღემდე გვყოფნის. დანარჩენი დღეები თითქმის მშივრები ვრჩებით. წინ ზამთარია და არ ვიცი, როგორ უნდა გავიტანოთ“, – აღნიშნავს მაყვალა კოზმანაშვილის რძალი თამარი. 
თუშიშვილმა 1 კუბური მეტრი საშეშე მერქნის შეძენისთვის თანხა გაჭირვებით მოაგროვა, თუმცა ეჭვ­ობს, რომ ასეთი მცირე რაოდენობის შეშით ორი თვე მაინც ისარგებლოს. 
ახმეტელ თამილა კაცაძეს კი, ზამთრის ცივი დღეების გატარება, სავარაუდოდ, სიცივეში მოუწევს. კაცაძე განმარატავს, რომ შეშის ფასმა საგრძნობლად მოიმატა, 1 კუბმეტრი 100 ლარამდე ღირს და 80 წლის ქალბატონს კი, წლის ყველაზე ცივი სეზონის გასატარე­ბლად ესაჭიროება დაახლოებით ერთი მანქანა სათბობი მასალა, რომელსაც, უსახსრობის გამო, ვერ შეიძენს. კაცაძემ ვერც გა­სული წლის ზამთარში შეძლო შეშის ყიდვა, სათბობი მასალით რამდენიმე მეზობელი ამარაგებდა. ახმეტელ 85 წლის ქლაბატონს არც ელექტროენერგია მიეწოდება და XXI საუკუნეში მისთვის ელექ­ტრომომარაგება ძვირადღირებულ სიამოვნებად იქცა. 
„მეზობლებს ამ ზამთარსაც ხომ ვერ შევაწუხებ, თავიანთი თავი გასჭირვებიათ. არც კი მინდა წარ­მოდგენა, თუ რა პირობებში მომიწე­ვს ამ ზამთრის გატარება. დენიც კი არ მაქვს. მითხრეს, თქვენი საკუთარი მრიცხველის დასამონტაჟებლად 400 ლარი უნდა გადაიხადოო. თვიური შემოსავალი წამლებსა და საჭმელში არ მყოფნის“, – აღნიშნავს თამილა კაცაძე. 
თელავის მერიის ჯანდაცვისა და სოციალური დაცვის განყოფილე­ბის უფროსი ანა ასაბაშვილი გან­მარტავს, რომ ქალაქის ხელმძღ­ვანელობამ ერთჯერადი დახმარე­ბებისათვის გამო 29 ათასი ლარი, აქედან 16 000 ლარი გადანაწილდა შეშით დახმარების პროგრამაზე. თელავის მასშტაბით მხოლოდ 111 სოციალურად დაუცველი ოჯახი, ერთჯერადად, მიიღებს 2 კუბურ მეტრ შეშას:

“როდესაც მოქალაქე წერს განცხადებას, მას აუცილებლად უნდა დართული ჰქონდეს მერის წარმომადგენლის შუამდგომლობა, რომელსაც თან დართული ექნება სოციალური მომსახურების სააგენტოდან ცნო­ბა, სადაც მითითებული იქნება სარეიტინგო ქულა. ამის მიხედვით მოხდება ოჯახი შეშით დახმარების პროგრამაში”, – აღნიშნავს ანა ასაბაშვილი 
თელავის მუნიციპალიტეტის თემის გამგეობაში კი განმარტავენ, რომ ქალაქის ორად გაყოფის შემ­დეგ ბიუჯეტში მოსახლეობისთვის შეშით დახმარების პროგრამის ფარგლებში დარჩენილი იყო 2000 ლარი. აღნიშნული თანხის სიმცირის და პროგრამის არაეფე­ქტურობის გამო გამგეობამ მიიღო გადაწყვეტილება, რომ უკიდურე­სად გაჭირვებულ მოსახლეობა­ზე სოციალური მდგომარეობის შესაბამისად გასცეს ერთჯერადი ფულადი დახმარებები 50 ან 100 ლარის ოდენობით. 
“აღნიშნული დახმარებით მო­სახლეობას შესაძლებლობა აქვს თანხა ოჯახის საჭირობისამებრ შეშის ბილეთის შესაძენად, ბუნე­ბრივი აირის ან ელექტროენერგიის გადასახადისთვის და ა.შ გამოიყე­ნოს”, – განმარტავს თელავის მუნი­ციპალიტეტის თემის გამგებლის პრესსპიკერი ვერიკო კობიაშვილი. 
შეშის კერძო რეალიზატორებმა უკვე დაიწყეს სათბობის მასალის გაყიდვა. ერთი მანქანა შეშის ღი­რებულება კი 300-დან 350 ლარის ფარგლებში მერყეობს.