CENN-ის მიმართვა საქართველოს პარლამენტს
ორგანიზაცია CENN-ი მიმართავს საქართველოს პარლამენტს, არ დაუჭიროს მხარი რუსული კანონის მიღებას მესამე მოსმენით ხვალ, პლენარულ სხდომაზე.
“CENN-ის მიმართვა პარლამენტს „უცხოური გავლენის გამჭვირვალობის შესახებ“ კანონპროექტის დამტკიცების შედეგების შესახებ. CENN გმობს „უცხოური გავლენის გამჭვირვალობის შესახებ“ კანონპროექტის მესამე მოსმენით მხარდაჭერას, რომელიც იურიდიულ საკითხთა კომიტეტმა დემოკრატიის პრინციპების დარღვევით, მასობრივი საპროტესტო აქციების ფონზე, განახორციელა.
მივმართავთ საქართველოს პარლამენტს, ხვალ პლენარულ სხდომაზე, გამოიყენოს კიდევ ერთი შესაძლებლობა და უარი თქვას კანონპროექტის მიღებაზე, რომელიც წინააღმდეგობაში მოდის საქართველოს კონსტიტუციასთან.
გვინდა, თითოეულ პარლამენტარს შევახსენოთ, რომ ამ კანონპროექტის მხარდაჭერით ისინი იღებენ პასუხიმგებლობას ქვეყნის ევროპული კურსის ცვლილების დამღუპველ შედეგებზე, რაც არაერთხელ აღინიშნა ჩვენი დასავლელი პარტნიორების მიერ. კანონის დამტკიცების შემთხვევაში, ჩვენთვის დიდი გამოწვევა იქნება პარლამენტთან დიალოგის ფორმატის შენარჩუნება, რაც ქვეყანაში თანამშრომლობისგან მიღებულ სიკეთეებს შეამცირებს.” – აცხადებს ორგანიზაცია