საყოველთაო ჯანდაცვით მოსარგებლე შშმ პირთა რაოდენობა გაიზარდა

საქართველოს სტატისტიკის ეროვნული სამსახურის ინფორმაციით, 2023 წელს “საყოველთაო ჯანდაცვის პროგრამით“ მოსარგებლე, შშმ პირთა რაოდენობა 32 062 იყო. შემთხვევების რაოდენობა კი – 81 326.

აქედან 8 282 მკვეთრად გამოხატული შშმ პირია, 17 618 – მნიშვნელოვად გამოხატული, 1 513 კი – შშმ ბავშვი. 2022 წელს საყოველთაო ჯანდაცვის პროგრამით 29 741 შშმ პირი სარგებლობდა, 2021-ში კი 28 100.

საყოველთაო ჯანდაცვის პროგრამით სარგებლობენ შეზღუდული შესაძლებლობის მქონე ბავშვები (18 წლის ასაკამდე) და მკვეთრად გამოხატული შეზღუდული შესაძლებლობის მქონე პირები (18 წლის ასაკიდან).