წარმატებული საგარეჯოელი სტუდენტებისათვის ფულადი სტიპენდია დაწესდა

მერის, ავთანდილ გულიკაშვილის გადაწყვეტილებით, საგარეჯოს მუნიციპალიტეტში რეგისტრირებული წარჩინებული სტუდენტებისათვის ალექსანდრე ცხვედაძის სახელობის ფულადი ჯილდო – სტიპენდია დაწესდა.

მერიის ინფორმაციით, განაცხადების მიღება დაიწყება 2024 წლის 1 მარტიდან, 2023- 2024 წლის პირველი სემესტრის შედეგების მიხედვით.

,,განათლების, კულტურის, ძეგლთა დაცვის, სპორტის და ახალგაზრდულ საქმეთა სამსახურის 2024 წლის პროგრამული ბიუჯეტის ქვეპროგრამა მოიცავს სტუდენტთა ხელშეწყობას და წახალისებას. ქვეპროგრამა გულისხმობს მაღალი აკადემიური მოსწრების მქონე სტუდენტებისთვის ფულადი ჯილდოთი წახალისებას, სტუდენტებში მოტივაციის ამაღლებას, განათლების ხელშეწყობას, მოწყვლადი ჯგუფების მხარდაჭერას. დადგენილების პროექტის მიღება გამოწვეულია იმ გარემოებით, რომ საგარეჯოს მუნიციპალიტეტში რეგისტრირებული, სწავლაზე ორიენტირებული, მოტივირებული და წარმატებული, მაღალი აკადემიური მოსწრების მქონე სტუდენტებისთვის დამკვიდრდეს უმაღლესი სასწავლებლების ბაკალავრის საფეხურის სტუდენტთა წახალისების ერთიანი წესი და ფულადი ჯილდოს გაცემის პროცედურა.
აღნიშნული წესის შესაბამისად, ფულადი ჯილდოს გაცემა იმ სტუდენტებზე, რომლებიც სწავლობენ უმაღლეს სასწავლებლებში და აკმაყოფილებენ შემდეგ კრიტერიუმებს:
ა) არის საქართველოს მოქალაქე;
ბ) განცხადების შემოტანის მომენტისთვის ბოლო ექვსი თვის განმავლობაში რეგისტრირებულია საგარეჯოს მუნიციპალიტეტში;
გ) საგარეჯოს მუნიციპალიტეტის საჯარო (კერძო) სკოლაში გავლილი აქვს ზოგადი განათლების სრული კურსი;
დ) არის აკრედიტებული უმაღლესი სასწავლებლის სტუდენტი (ბაკალავრი);
ე) სემესტრის განმავლობაში გავლილ ყველა სალექციო კურსში აქვს არანაკლებ 91-100 ქულა;
ვ) აქვს სტუდენტის აქტიური სტატუსი.
ფულადი ჯილდო გაიცემა სემესტრულად, სასწავლო წლის განმავლობაში არაუმეტეს ორჯერ, სალექციო კურსის წინა სემესტრის შედეგების გათვალისწინებით.
ჯილდოს გაცემის ადმინისტრირებას ახორციელებს საგარეჯოს მუნიციპალიტეტის მერიის განათლების, კულტურის, ძეგლთა დაცვის, სპორტისა და ახალგაზრდობის სამსახური (შემდგომში – სამსახური), სტუდენტის მოწოდებული ინფორმაციის საფუძველზე და ამ წესით დადგენილი პირობებისა და მოთხოვნების შესაბამისად”,-აცხადებენ მუნიციპალიტეტის მერიაში.

მერიის ინფორმაციით, ფულადი ჯილდო შეიძლება გაიცეს სტუდენტზე, რომელიც აკმაყოფილებს შემდეგ კრიტერიუმს:
ა) არის საქართველოს მოქალაქე;
ბ) განცხადების შემოტანის მომენტისთვის ბოლო ექვსი თვის განმავლობაში რეგისტრირებულია საგარეჯოს მუნიციპალიტეტში;
გ) საგარეჯოს მუნიციპალიტეტის საჯარო (კერძო) სკოლაში გავლილი აქვს ზოგადი განათლების სრული კურსი;
დ) არის აკრედიტებული უმაღლესი სასწავლებლის სტუდენტი (ბაკალავრი);
ე) სემესტრის განმავლობაში გავლილ ყველა სალექციო კურსში აქვს არანაკლებ 91-100 ქულა;
ვ) აქვს სტუდენტის აქტიური სტატუსი.
ფულადი ჯილდოს მისაღებად სტუდენტმა სემესტრის დასრულებიდან ერთი თვის განმავლობაში, უნდა წარმოადგინოს საჭირო დოკუმენტები. ჯილდოს ოდენობა ერთ წარმატებულ სტუდენტზე სემესტრში შეადგენს 770 ლარს.