“ევროკავშირის სახელით საქართველოში არასამთავრობო ორგანიზაციების მუშაობას მხარს ვუჭერ” – პაველ ჰერჩინსკი

ელჩის მიერ გავრცელებულ ვიდეომიმართვაში, ჰერჩინსკი საზოგადოებისა და ქვეყანაში დემოკრატიის განვითარების საქმეში არასამთავრობო ორგანიზაციების მნიშვნელობაზე ამახვილებს ყურადღებას.

„დღეს, არასამთავრობო ორგანიზაციების საერთაშორისო დღეს, ჩვენ მთელ მსოფლიოში არასამთავრობო ორგანიზაციების მუშაობას აღვნიშნავთ. არასამთავრობო ორგანიზაციები გადამწყვეტ როლს ასრულებენ ევროკავშირისა და საქართველოს საერთო ღირებულებების უზრუნველსაყოფად, როგორებიცაა დემოკრატია, თავისუფლება, კანონის უზენაესობა და ადამიანის უფლებები, მათ შორის უმცირესობათა უფლებები.

არასამთავრობო ორგანიზაციების საერთაშორისო დღესთან დაკავშირებით, ნება მიბოძეთ კვლავ დავადასტურო ევროკავშირის ერთგულება, მხარი დაუჭიროს არასამთავრობო ორგანიზაციების მუშაობას საქართველოში და მის ფარგლებს გარეთ. მათი არსებითი ჩართულობის უზრუნველყოფა გადამწყვეტია ყველასთვის უფრო სამართლიანი, თანასწორუფლებიანი და კეთილდღეობით აღსავსე მომავლის ასაშენებლად“, – აცხადებს პაველ ჰერჩინსკი.