თელავში საცხოვრებელი სახლი იწვის
ქალაქ თელავში, ვაჩნაძის ქუჩაზე ორსართულიანი საცხოვრებელი სახლი იწვის.
არსებული ინფორმაციით, საცხოვრებელ სახლში მეპატრონეები არ იმყოფებიან, რადგან ისინი ბინაში ძირითადად ზაფხულში ჩამოდიან.
შემთხვევის ადგილზე სახანძრო- სამაშველო ბრიგადებია გამოძახებული, რომლებიც ცეცხლის ლოკალიზებას ცდილობენ.
რა ზიანი მიადგა საცხოვრებელ სახლს და რა გახდა ხანძრის გამომწვევი მიზეზი, ამ დროისთვის უცნობია.