ჯანდაცვის მინისტრი – კორონავირუსის მიმდინარეობა საკმაოდ შესუსტებულია
იცით, რომ კორონავირუსის მიმდინარეობა საკმაოდ შესუსტებულია, “პაქსლოვიდის” გამოყენების ბევრი მსურველი არ იყო – თუ საჭირო იქნება, ამ მედიკამენტსაც და კიდევ სხვასაც შევიძენთ , – ამის შესახებ ჯანდაცვის მინისტრმა, ზურაბ აზარაშვილმა მთავრობის სხდომის დასრულებისას განაცხადა.
მინისტრის თქმით, ქვეყანაში ყველა ის ვაქცინა და მედიკამენტი შემოვა, რომლის რეკომენდაციასაც ჯანდაცვის მსოფლიო ორგანიზაცია გასცემს.
“პაქსლოვიდს” რაც შეეხება, მოგეხსენებათ დიდი მარაგები გვქონდა. სამწუხაროდ, ათვისება მინიმალური იყო. იცით, რომ კორონავირუსის მიმდინარეობა საკმაოდ შესუსტებულია, არ იყო ამ მედიკამენტის გამოყენების ბევრი მსურველი. თუ საჭირო იქნება, ამ მედიკამენტსაც და კიდევ სხვასაც შევიძენთ, იმას, რაც ჯანმო-ს მიერ არის რეკომენდებული, ასევე {შევიძენთ} ვაქცინებს”, – აღნიშნა მინისტრმა.