ლაგოდეხში ტრადიციული სახალხო დღესასწაული „ჰერეთობა-2023“ აღინიშნა-ფოტოები
ლაგოდეხის მუნიციპალიტეტში ტრადიციული სახალხო დღესასწაული „ჰერეთობა-2023“ მასშტაბური ღონისძიებებით აღინიშნა.
საზეიმო ღონისძიებები მთელი დღის განმავლობაში მიმდინარეობდა. ტყე-პარკის ტერიტორიაზე სხვადასხვა, კულტურულ-შემეცნებითი და გასართობი ღონისძიება გაიმართა. ღონისძიებაზე, დამსწრე საზოგადოებისთვის, მუნიციპალიტეტის ტერიტორიული ერთეულების, საჯარო სკოლების წარმომადგენლებისა და საბავშვო ბაგა-ბაღების აღსაზრდელების მიერ წარმოდგენილი იყო თეატრალიზებული საშემოდგომო კუთხეები; ადგილობრივ მეწარმეთა მიერ მოეწყო ღვინისა და არყის მომზადება/დეგუსტაცია. დამთვალიერებელს, ადგილზე შეეძლო ქართული ტრადიციული კერძების დაგემოვნება.
სადღესასწაულო ღონისძიებაზე, ლაგოდეხის საპატიო მოქალაქეები დაჯილდოვდნენ. „ჰერეთობა 2023“ გალა კონცერტით დასრულდა, რომელშიც, დუეტი „ლეონი“, ჯგუფი „ქუჩის ბიჭები“და ბარბარე სამხარაძე მონაწილეობდნენ.
