ახალი ამბები

თელავში სასწრაფო დახმარების სამსახურის მანქანა მსუბუქ ავტომობილს შეეჯახა

თელავში სასწრაფო- სამედიცინო დახმარების სამსახურის მანქანა მსუბუქ ავტომობილს შეეჯახა.

შემთხვევა ცოტა ხნის წინ, თელავი- ყვარელი-გურჯაანის დამაკავშირებელ გზაზე მოხდა. შეჯახების შედეგად, დაშავებულია ახალგაზრდა მამაკაცი, რომელიც მსუქბუქ ავტომობილში იმყოფებოდა. ის ავტომობილიდან მაშველების დახმარებით ამოიყვანეს.

ექიმების განმარტებით, მამაკაცს მოტეხილობები აღენიშნება. დაშავებული თელავის რეფერალურ ჰოსპიტალში, ამ წუთებში გადაჰყავთ.

ავტომობილში მყოფ სხვა პირებს ექიმები ადგილზე დაეხმარნენ. სასწრაფო- სამედიცინო დახმარების ავტომობილში, არავინ დაშავებულა.

შემთხვევის ადგილზე პოლიციაა მობილიზებული.